اسمحولي يآجمآعه بخآلفكم الرأي وليس حبا ً في المخآلفه لكن حآب أسأل الاخت الكريمه بعض الاسئله اللي عليهآ نحكم هل خطأ زواجها او مافيه بآس



اولا ً اختي هل رأى منك سوء او زله ؟ يعني ملتي معه لنتي له تغنج الخ


لانه لو بدر منك هالشي انسي تتزوجي منه لانه قد يكون يبي يلاقي اعذار بعدين وبيرفض لا تقولي لي ماراح يرفض و متعلق فيني وألح علي .. هو حب اسلوبك و أغلب اللي بالشات و المنتديآت للاسف يتعلقون بالاسلوب و التفكير بس من يشوف صاحبه تجيه حالة اغمآء وممكن يرآجع مستشفى الحبيب للامراض النفسيه ..


ثآنيا ً أختي :
هل شكيتي له ظروفك ؟ انا تطلقت زوجي كان كذآ معآي اذا رجع يعمل كذآ تخيل ان ابووي كان كذا و كذا

لاحظي الاوراق المكشوفه للزوج غالبا ًً تستخدم سلبا ً تجاه الزوجه

انا ليش اقول كذآ

خوفي من بكره يذلك و احمدي ربك تزوجتك ولقيتك مقطوطه (منطوله *) تدوري عريس انا قبلتك و و و الخ وابوك فيه نسيتي لمن قلتيلي عن زوج عمتك ههه سالفه من جد


عموما ً عامة الزواج حلوو ولا فيه بآس وبالعكس الزواج التقليدي اللي انا افهمه هو ان الام هي الي تختار وتجي انت تشوف شكل البنت ( مع غياب المعرفه باسلوب تفكيرها - دمها وثقالتها او خفته - عقلها ودينها -امور كثيره غير الجمال )

اما الزواج بالشات فيتقدم معرفة الاسلوب و التفكير قبل ان ترينه ويرآك فأن رأيتيه ورئآك و تم آلسؤال عنه قبل كل شي فما فيه بآس الشات زيه زي استقبال المستشفى في نظرة اهل الحداثه ولو ماني منهم لانه وسيله تواصل قد تستخدم سلبا ً وايجابا ً

برضوا المنتديآت

يعني مثلا ً انا اعجبت بـ اخلاق عضوهـ بمنتدى وعرفت انها من قبيله معروفه و اصل ومن خلال تواجدنا 4 سنين بمنتدى او اقل عرفت انها مالها في آلشمآل ( كلمه مصريه تعني السربته )
فبدل ما اجي اسوي الولد الذي هو مملوح و انتي الذي حبك من العام محفور و امشي في درب الشيطان
ارسل لها بنت او اتجرأ و اطرح عليها الموضوع حلال و شرع الله مو كل بنات الشات او بنات المنتديآت فاشلات اخلاقيا ً وبرضوآ الشباب نفس الشي و لو ان النسبه تقل عند الشبآب نظرا ً لامور لا افضل ذكرهآ

لو رجعنا لـ 60 سنه ورآ ماظن احد تزوج الا بعد مآيشوفها عند الغدير او في سوق شعبي طبعا ً و على فطره سليمه و سجيه يعني ترى فيه حب قبل و لكن حبهم ينتهي بـ زوآج مو بمواعده وخرابيط صبيآنيه وهذآ اللي انتي تبينه وحنآ مع الحلآل

ختاما ً اختي احذري ثم احذري ثم احذري ان تكوني صيده ثمينه وسهله هذآ الرجل ما حط بذمتي لكن الحذر واجب

واذا لابد و صآمل الرجال ارسليلي رقمه اسأل عنه وماعندي مانع ان كان رجل فاضل و صالح ومشهود له بالجماعه ومرضي ابوه اني اساعدك لكن انتبهي تعطينه رقم او عنوان اهلك حتى لو قال بسأل عنكم قولي انا بسأل عنك اول وان طلعت انسان بحسب الظن ابشر اعلمك كيف تيجي اما عن طريق خاطبه زي ماقالت الاخوان اعلاه او عن طريق امام المسجد او ننسقها بعدين


لا تنسين صلاة الاستخآره و هذي استشآرتي التي ادين فيها الله سبحآنه واتمنى اني آصبت و بالله التوفيق

اخوووك في الله ّ