أخي رجل الرجال
انا البارحه فكرت أطلب منها نطلع برع أو حتى نسافر طرحت الموضوع عليها قلت لها شو رايج نسافر أسبوع أسبوعين أو أكثر مب مشكله نغير جو وننسى اللي صار كالعاده رفضت فكرت سفر وهذا شيء مستغرب منه ليش ما تبا تسافر وياي قلت لها خلاص شو رايج نسير دبي وافقت وكننت مستغرب شلون وافقت بالسرعه هذه
وكانت ساعه 12 بليل طلعت وياها طول الطريق حدود ساعتين ولا نطقت بحرف حاولت امزح وياها أفتح مواضيع وهي ساكته وصلنا الفندق قلت لها أنتي غيري ملابسج وانا نازل شوي تحت خليتها حدود نص ساعه يوم رديت الحجره حصلتها مثل ماهي لا غيرت ولا شيء .
وتصيح وتقول ردني بوظبي أنا تعوذت من ابليس وقعدت لجين فهميني شو صار ليش تصيحين وليش غيرتي رايج قالت ردني ولاحظت أنها مطلعه كل أغراض شنطتها برع مثل اللي كانت ادور على شيء داخل الشنطه
قلت لها فهميني وانا والله أردج أبوظبي مارضت وبدات تصيح بصوت عالي للاسف أنا مديت يدي عليها والله أنها حرقة دمي وترتني خربت كل شيء مرتبله , ردينا بوظبي وطول الطريق وانا سب ولعن وهي تصيح قهرتني وصلنا البيت
وقلت لها الحين فهميني شو صار يلست تقول نسيتهم استغربت نسيتي شو يا بنت ناس سكتت ولا رضت تنطق لجين ارحميني للاسف بديت أكسر كل شيء جدامي وأصارخ أول مره تصيريلي هالحاله لين ما حسيت اني بديت اتعب من الصراخ وهي تحت لحاف تصيح طلقني يا خالد أول مره احس أنه قرار الطلاق هو الحل وقلت لها انا موافق يا بنت الناس هذه مب عيشه اتصلي على أهلج خليهم ياخذونج وخذيت التليفون ورميته على السرير وقلت لها اتصلي وطلعت من عندها طول اليوم لا شفتها وعلى كلام الخدم أنها بس راقده أبوها مسافر النمسا يغير الجو وأخوانها مرتاحين وأنا متعذب وياها فكرت اطلقها ونرتاح أنا وهي .
فكرت أجيب أحد يقرأ عليها بس وضعنا صعب كرهت اسمي واسم اهلي من حياتي والمشاكل اللي فيها كل شيء محسوب حتى لو على حساب راحتنا .
__________________
الحمد لله على كل حال