هاجر
قريت رسالتج لرجل الرجال وابصرااحه وانا اقرااه تخيلت نفسي مكانج وحمدالله اني موب مكانج
لانه اللي عشتيه وقااسيته واايد
واكبر بكثير من انه يمر مرور السلام
شي مقزز ومؤذي انج تتعاملين هالمعامله القاسيه من ابو وخوات غير الشقيقاات .. وزوج مدمن وامه القاسيه ..
هاجر عزيزتي انتيي بوضع ماينحسد عليه ابصراحه ..
بعثتج على حساب االأميره تخليتها عنها بسبب هالمدمن الخاين اللي مايخاف ربه هو وامه وخواتج اللي زرعن الزواج براس ابوج وشجعنه يزوج غصبن عنج
هاجر انا ماالومج اذا تسليتي مع غير زوجج وانا متاكده انه لو لا الظرووف اللي مريتي فيها من صغرج وفقدانج لوالدتج وهي على قيد الحياه هو اللي خلا هاجر تحارب الكل عشاان اجوف نهايه لتعاستها ...
بس اتمنى تكونين قويه ولاتستهينين بهاجر الانثى اللي ارادت بيوم تحقق حلمها لاتتخلين عن حلمج عشان زوج مايخاف الله ولاامه اللي تضايجت من تصرفها ..
هاجر انتي عايشه بوسط ناس ماترحم مجرد زواج ونكاح وتقرير مصيرج بمصيرهم ..
خواتج فاشلات وهالسبب اللي خلاهم يوقفون عثره بطريجج
ويدخلون خطيبج عليج الحجره وغصبن عنج اجوفينيه
هاجر انتي مثل النسر اللي تربى بوسط الدجاج وحاول يحلق ولكن ماقدر لانه الداياي يضحكون عليه ومات وهو معتقد انه الدجاج
واتمنى ياهاجر انج ماتكونين مثله .. وتقدرين تحلقينن بحلمج بعيد واايد
واتمنى تقدرين تسامحين لاني بالفعل بعد ماعشت موقفج بقصتج حمد الله انه اهلي موب جي
شكرت الله انه امي المرحومه وابوي بعيد عني بس عمري ماراح اكرهم لانهم ضحوا ووفوا وعطوا
والله يوفقج يالغاليه
واتمنى تنسين الماضي عشان تقدرين تحققين حلمج
روضه بوظبي 11/4/2012
التعديل الأخير تم بواسطة جيفارا aD ; 11-04-2012 الساعة 08:33 PM