المشاركة الأصلية كتبت بواسطة ريحانة الرياحين

أختي هاجر و الله أنا كنت متابعة موضوعك من البداية بس من كثر ما قلبي معورني عليك مو عارفة أكتب لك

الأعضاء ما بين متعاطف و متحامل و ما بين الظلم اللي وقع عليك و ما بين ردات فعلك اللي بعضها للأسف مو في محلها
لكن في النهاية أقول لك إن تصميمك على تكملة تعليمك محط إعجاب و تقدير عندي.

اللي خلاني أتردد في الكتابة كون البيئة اللي إنت عايشه فيها صعبه جدا جدا ، يعني و الله الواحد وده يساعدك و يقدم لك العون... لكن ما لي غير الدعاء لك. و ما في غير إنك تحفظي عزيمتك من الإنكسار ، و إنك تثقي بالله تعالى.

يا سبحان كيف إنت طلعت كذا مع إن من كلامك كل اللي حولك اهتماماتهم مختلفة تماما!!!

إنت انظلمت كثير و هذا ولد عندك كمية هائلة من الغضب و التمرد .. شعور الغصب محد يرضى فيه.
لكن نصيحتي لك إنك تحاولي تتصالحي مع نفسك ، حاولي تهدئي عشان نفسك قبل غيرك. المشاحنات اليومية مو كويسه عشان صحتك.
حاولي تحلي مشاكلك بدهاء أكثر لأن اللي حولك مستقوين عليك سواء رجال أو نساء، فكري و خططي قبل لا تعملي أي خطوة و أرجع أقول تجنبي المشادات و انتقي ألفاظك معاهم.

الله يعوضك خير عن ما فقدتيه و عن الألم اللي عشتيه ، بس إنت حطي ربنا أمام عينك و لا تغضبيه.