تسلمين حبيبتي على الدعاء الطيب .. شوفي اماني .. بعض الاهل جذي .. وانتي بنفسك قلتي ان قدامه بصورة
اكيد صورة طيبة .. فزوجك على هذا الاساس بيعاملهم وبيهتم فيهم .. اذا تبينه يهتم فيك انتي بعد توقفي عن
التحدث عن اهله حتى لو مقهورة .. تعاملي معاهم بأصلك وبما يرضي الله وخليك بعيد .. اذا ما تقدرين تجيبين
ذكرهم بالخير قدام زوجك لا تجيبينه بالشر بعد ..
انتي حرمة حبيبتي وتعرفين سوالف الحريم لو زوجك ما فيه خير كان ما طمعوا في تزويجه لاحد منهم ..
بالنسبة لتصحيح الغلط ..
اذا زوجك من اللي يرضى بسرعه قولي له انته واهلك وكل اللي تحبهم ويحبونك في عيوني .. وادري هاي سوالف
حريم وانا غلطانه اني دخلتك فيها .. وانتي تبتسمين وبعتاب ناعم قولي له انك صدمتني يوم قلت عني مريضة
نفسيا وبيني له ان الكلمة زعلتك .. وخلاص لا تعتذرين وتقولين اسفة لانك ما اخطأتي بشكل مباشر ..
ومن بعدها .. لا تبينين له انك تتضايقين من كلامهم ولا تبينين لهم .. دوم بيني لهم انك واثقه من نفسك واصلا
لازم تكونين واثقه من نفسك .. وربي يوفقك يا عسل