احصاءاتك غير دقيقة ..
المهر عندنا ما تعدي العشرين و مهري أنا 6 بس ^_^
و خواتي اللي 8 و اللي 7 أبدا ما وصل حتي عشره ...!
و زواجي مو بقاعة بالبيت يعني مجانا ..

لكن تصدق يستأهلون الشباب اللي يكسر ظهورهم عشان الحين
نادر ما تلقي واحد قد المسولية يا خاين يا راعي بلاوي يا مراهق
يطلق على أتفه سبب ...!
فلو خفضوا لهم التكاليف كان كل يوم وهو متزوج و مطلق ( يبغون مثل آشوريا )
و لا يجيك يبكي مثل البزر و يقول زوجتي مو حلوه ما ارتحت لها ...!!
وان كان ناضج شوي اقل مصيبة يسويها انه يتزوج ثانية و ثالثة ،، دام الامور تخفيضات كبرى ^_^

و على ايام زمان ،،
القضية مو قضية ان الحريم راضيات بالعكس
كانت القضية قضية هيمنه ذكورية بحته ،، تكون ضحيتها
المرأة من قهر و غصب و سوء عشرة من الاب و الاخوان و الزوج و اهله
و ياما جلست مع عجايز يحكون ماضيهم بشي من الحسرة و الألم
و التضحيات التي تعجز عن حملها الجبال ..
يعني جاهلية قاسية ،، و احتقار للانثي ...
فهي تزوج غصبا ثم تعمل خادمة رغما عنها وفوق طاقتها
و يعدد عليها ثانية و رابعة و قد تطلق ليبدلها بغيرها ..
و قد تترك معلقه ...
و تزوج لرجل في الخمسين او الستين وهي طفلة عشر سنوات
او اقل و تعامل معامل امرأة ناضجة !!

الزمن الان تغير و انفتح اكثر و أخدت المرأة بعض حقوقها وان لم تكن الكل
لكن افضل حالا من السابق ..

اخوي متفايل ياليت تنظر للمواضيع نظرة حيادية ..
و من رغب بالحلال فالله ييسر له ..
ثلاث حق على الله عونهم و ذكر منهم ( الناكح يريد العفاف )
و لازم يحرص الشاب على ذات الدين التي لا ترهقه
و الاسرة المستقيمة القنوعة ..
مو يروح يخطب من البيت الابيض و يقول خفضوا المهر ..!