في البدايه عزيزتي احب اقولج ..
خوات زوجج ليش تفكيرهم عيب الزوج يرقد مع زوجته وكلهم في بيت واحد حتى لو كانن في الزياره هالشي عادي وماله علاقه بالاحترام بالعكس يمكن الملايكه تعلن الزوجه اذا مارقدت مع زوجها ..
والمفروض انهن متعلمات ويعرفن يمزين بين الحلال والعيب.
الله يشفيها فيها الصرع المفروض ماتقعد عندج وايد لانه لو لا سمح الله صار فيها شي كل اللوم فوق راسج بيحطونه ...
وموضوع الصور الخليعه بتلفون زوجج ابصراحه موضوع موب هين اذا صاحبات الصور بايعات الهوى ارقامهن عند زوجج
انا بقولج خافي على عمرج لايبلن زوجج بمرض وعقب ينتقل المرض لج .. لاتستهينين في موضوع انه متواصل معاهن
اقعدي معاه وفهميه انج فاهمة وعارفه بموضوع ارقام البنات
وقوليله كلمتهن وعرفت انهن متواصلات معاك وانك تجذب عليااا ..
وخليه على علم بانج مطلعه على فضايحه مع الفاسقات .. ولاتكلمين بطريقه التلميح وغيره .. حتى لو عصب وصرخ المهم يعرف عشاان يحط حدود .. وخبريه بعد انه فر تلفونه تحت الشبريه وغيره خليه يعرف انج موب غافله ..