اسمعي وانا اختك كل انسان وله ميوله الخاص فيه

وانتي لاتستنقصين من نفسك وخليك واثقة من قدراتك ولا تخلين

زوجك يحس باللي انتي جالسة تفكرين فيه وحاولي انك تطورين

من نفسك ومن معلوماتك وانا انصحك بالقراءة اكثري من

القراءة في الصحف والمجلات الهادفة وتابعي البرامج الهادفة

والمفيدة في القنوات العلمية صدقيني انك مع الوقت راح تتفوقين

على زوجك وراح تذهلينه عندما تناقشيه في احد المواضيع المهمة

اذا اهتمامه بالسياسة قوي هاذا الجانب وتعلمي كل شي يختص

بالسياسة واذا كان يهتم بابحاث الطب وآخر ماتوصل اليه الطب

من انجازات واكتشافات اتجهي لهاذا الجانب وقوي معلوماتك

تجاهه الثقافة نكتسبها بكثرة القراءة والإطلاع على كل ماهو

جديد مو ضروري نتغير علشان الناس اللي نحبهم لازم نتغير

ونطور من معلوماتنا وقدراتنا علشان انفسنا وعلشان اطفالنا

بكرة يجونك اطفال يسألونك اسئلة يمكن ماتعرفي اجابتها

فتنحرجي امامهم لازم ان كل ام تكون عندها خلفية عن كل شئ

وعلى قدر استطاعتها تتعلم اللي تقدر تتعلمه هاذا شئ في

صالحها اولا وبعدين انتي الحين توك ماعندك عيال الله يرزقك

يارب الحين انتي فاضية عودي نفسك على القراءة وثقفي نفسك

في المجال اللي يحبه زوجك علشان ترضين نفسك

وبنفس الوقت تحسين انك تغلبتي على العقدة اللي محاصرتك

تجاه زوجك بس اهم شئ انك تكون عندك ثقة في نفسك

وتسعين لتغير بدون تردد زوجك عنده مكتبة لو انا مكانك

اخصص لي وقت للجلوس فيها وقراءة مافيها من كتب علمية

حتى تستفيدي وتفيدي في نفس الوقت واتركي عنك التفكير

اللي انتي فيه وبادري بالتغير وصدقيني انك راح تحسين بسعادة

كبيرة وانتي تستقين معلومات مفيدة وتنهلين من كتب العلم

والمعرفه القراءة مسلية جدا وجربي ماراح تخسري شئ بإذن

الله تعالى وربنا يسعدكم ويوفقكم في مشوار حياتكم ويارب

نشوفك فيلسوفة في هذا المنتدى مع اخواتك الأعضاء وبالتوفيق
لك يارب.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله