حلقة حقوق المطلقات في برنامج داوود الشريان
بسم الله الرحمن الرحيم
في كثير اكيد شافوا الحلقة التي كانت تخص (ظلم المطلقات في المحاكم)
جلست قدام التلفزيون وكل كلمة كان يقولها المذيع تنزل مني نهر جاري من الدموع.. ابوي حس اني تأثرت من البرنامج .. علت اصوات اهلي مؤيدين كلام داوود الشريان..
الموضوع كان يدور (لماذا المرأه حقها مهضوم في المحاكم؟)
وانا ابصم بأصابعي العشره ..كثير مطلقات عانوا من المرمطة بالمحاكم وطول فترة الجلسات وعدم حضور الزوج ومماطلته..وتعامل القضاه مع المرأه على اساس انها إمرأه وليس كائن حي له مشاعر ..
انا كنت متملكة بس تمرمطت بالمحكمة 5 شهووووووووور ليه وهو فسخ عقد قبل الدخول .. كان يتأخر ومايحضر الزوج .. ماأنسى نظرة الشيخ لي في اول جلسة على اساس اني انسانه تافهه وماعندي سالفة وكان يرفع صوته علي لدرجة انه شكيت في نفسي هل اللي انا مقتنعه فيه صح او لا ..؟ كنت احاول استر على الرجال وما افضحه .. بس استفزوني وطلعت كل شيء وفي الاخير .. جلست اطالع بالأرض لأنه جاني شعور انه الآن بموووووووووووت من جلطة دماغية لأنهم ماصدقوني لهذه الدرجة استهزاء بالانسان اللي يتمسك بدينه واني ادور رجال يكون صالح لعيالي يجبروني اخذ واحد راح يربي اولادي على الكفر!..
ووحطيت لي موكل عني .. ويوم صارت السالفة من رجل الى رجل انقلبت الطاولة وصار في احترام لقضيتي .. بس في الاخير في امور صارت حسيت اني فيها مستغلة مادياً .. والقاضي كل شوي تأجيل الجلسة..لان الزوج مش مقتنع ..
تخيلوا ان في واحده صادفتها في صالة الانتظار تقول ان زوجها كان يضربها وتجيب تقارير طبية للقاضي لانها تعبت من العشره مع زوجها والشيخ رفض يطلقها وكل اشوي تأجيل لجلستها وكانت تتحسب على القاضي وكنت في لحظتها انا مابعد ادخل على الشيخ وكنت اقول ليش تتحسبين مايجوز هذا مستحيل يضلمك لأنه قاضي ..
اتمنى اشوف رأي الكثير اللي شافوا الحلقة .. وش رايكم في اللي يصير الحين مع المرأه !!