فزعت البداوة؟؟
أنت تتكلم عن القبائل خل البداوة على جنب
وكلامك ماله مصدر موثوق مجرد شيء تسمعه ولاتعرفه زي حكاية ابن العم ترى هالاشياء إلي أنت جالس تتكلم عنها
وعضل ابن العم لبنة عمه وبقاءها بأسمه ولى وأندثر من زمان ومالها أثر وأكثر ابناء القبائل متعلمين تعليم عالي وفاهمين
وماعاد فيه أرغام البنت على ابن عمها إلا ماندر ولعلمك هالسلوك ماهو مرتبط بالقلبيلة وفيه كثير عوائل حضرررررررريه وماهم قبايل ولاحتى
عيال قبيلة والبنت عندهم تغصب وتزوج صغيرة بدون مايؤخذ رأيها ويا أكثر إلي حضر ومالهم قبيلة ويعضلون بناتهم
ويمنعوهم من الزواج عشان رواتبهم وأعتقد مثل ماسمعت عن عيال القبائل هالمخالفات أكيد سمعت حولك عن إلي أبهاتهم بخلاء ويموتون بالقرش والبيت فيه
ست وخمس مدرسات تجاوزن سن الزواج لأن من عادات هالفئة حب المال وأستغلال البنات وابقاءهم بدون زواج لمصالحهم وياكثر الحضر إلي ماهم قبائل بما أنك مركز على القبائل ياكثرهم إلي يصادرون حق البنت
ببيت لحالها مع زوجها ويجبرونها تعيش بغرفة مع أهل الرجال وتخدمهم كلهم رغم أن لادين ولاعرف يقول أنه جائز أو واجب عليها
يعني المخالفات الدينية ما تندرج تحت مسمى قبيلي أو بدوي