الف حمد لله على سلامتك انتى و الاستاذ عبد الرحمن
و يا رب يكون ذرية صالحة ياااااااااااااااا رب

بصى خدى بالك من حاجة بعد الولادة ممكن تكونى عرضة لاكتئاب ما بعد الحمل و دا سببه النزول الشديد و المفاجئ للهرمونات فى جسمك بعد الولادة

و حقولك تجربتى فى اللى انتى فيه دا
الرضاعة الطبيعية رزق من عند ربنا و كتير جدا اللبن بيتاخر نزوله و عادى جدا جدا و طبيعى كمان ان عبد الرحمن حيخس وزنه لحد 25% من الوزن اللى اتولد بيه
فمتتفزعيش انتى حطيه على صدرك و هو حيتعامل ادخلى اتفرجى على اليوتيوب على طريقة الرضاعة و ازاى البيبى يمسك الصدر صح
و خلى فى بالك انك بس المطلوب منك تعملى اللى عليكى انك تحاولى تخليه يرضع و الله رضع كان بها مرضعش يبقى نصيبه كدة
و بعدين انا و ولادى الاتنين رضعنا صناعى و عااااااااااااادى محصلناش حاجة
المهم بس تحاولى
و دكتورة رضاعة نصحتنى انى اشرب شمر تغليه ذى الينسون و تشربيه مفعوله مفعول الحلبة اذا متقدريش تشربى حلبة
و سبحان الله الماية لوحدها تدر اللبن و كمان اذا تحبى تشربى فيروز برضو بتدر اللبن
بس ارجوووووووكى متضايقيش نفسك على موضوع الرضاعة لانها رزق مهما عملتى اللى ربنا كاتبه حيكون لكن انا مش عاوزاكى تدخل فى موضوع اكتئاب حمل
انا فى كريم كنت برضعه و دموعى بتنزل عليه تغرقه عشان الدكتور قالى ان لبنى قليل و كنت اذا اى حد قالى انتى وحشة دى كانت كفيلة انها تجبلى انهيار عصبى
لكن فى كرمة كنت ناوية مزعلش نفسى حعمل اللى عليا و اسيب الباقى على ربنا
و الفترة دى تركزى فى كل حاجة حلوة حوليكى البيبى القمر اللى فى ايدكى الناس الحلوة اللى حواليكى كل و اى شئ ايجابى


و الف حمد لله على سلامتكم انتو الاتنين

باقى القمرات بحبكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة