رد : خساره يازوجي ,, بيطلقني عشان ماضي؟
مشكورين خواتي ماصار شي جديد بس ابوي كلم عمي الوسطي اللي يدرس برا وهو عمره تقريبا بالثلاثين وابوي قال هذا اخر املي فيه ان صدقهم على الدنيا السلام وان صدقني يبقى هو اخوي الوحيد لان الباقي تبريت منهم اتصل فيه ابوي وهو مايعرف بالسالفه ابد لانه من سنتين يدرس بلندن المهم كلمه ابوي وقاله كل شي قال اسمع ياخوي ماعليك من احد وخلك قوي سوا خواتي صادقات او كذابات المهم بنتك وزوجها بنتك وزوجها انتهت الحياه بينهم لان الشك يدمر بيوت والنفسيات وقاله ماعليك من كلام فلان وعلان قطه ورا ظهرك بنتك وراضي فيها وخل الكلاااب تنبح وراك دامك واثق ببنتك ولاتفكر قالو عنا او ماقالو الناس بكل الحالات متكلمين متكلمين بصدق او بكذب متكلمين وقال لابوي اترك كلام وامسك المشكله من اولها مو تمسك طرف مشكله قال الاشياء المهمه اللي ابيك تسمعها اول شي بنتك مالها رجعه لزوجها لانه بيشك فيها وتصير حياه تعيسه تجيب طفلين منه ولا عشر وتتطلق ودامه شاك فيها يا انه بيوم من الايام يطلقها او يتزوج عليها ويحر قلبها قال خلاصة النقطه الاولى بنتك مالها رجعه الا بحاله وحده يجي يركض زوجها ويترجاها ويقول انا ظلمتها انا غلطان الزبده يحس بخطاه ويطلب رضاك ورضاها وقال لابوي اتصل فيهم واطلب ورقتها وقال راح يجونك ثعالب زوجها وابوه ويسسون نفسهم بيصلحون وانهم ندمانين وقال لابوي لاتصدق الندم ان ماجا من سنين ماراح يجي بيوم يعني خلها يطلقها واذا كانه صدق ندمان ويبيها بيحاول فيك طول العمر ويطلب تردها اما يجي ويقول انا ندمان بيوم لا كذاب مافي احد يندم بيوم او حتى لحظه وقال اذا جوك ياخوي لاتطردهم وتصارخ عليهم وتطلع العيب منك لا استقبلهم واكسر وجيهم بكلامك قل لهم بالحرف الواحد ياهلا ومرحبا والله انتم اخوان وعزيزين لكن بنتنا مالها نصيب مع ولدكم لقمه وانتهت وكلن يلقى توفيقه نبي ورقة بنتنا والله دخل بمعروف يطلع بمعروف والوجه من الوجه ابيض اللي صار وطويناه والضرب بالميت حرام ان كان ظلمناك بنلاقها عند ربي وان كان ظلمتونا ابد مسامحين ولنا الاجر وبس وقفل السالفه واصر على الطلاق ان بغاها بيركض طول السنين عشان يحصلها وان مابغاها بيتحايل عليك ساعه بس وبعدها بيطلق وقال لابوي حتى لو طلقها الحين يمكن يحس بخطاه بعد كم سنه ويرجع يعض اصابعه ندم ،، قال المهم تطلب الطلاق والايام تكشف ان بغاها او مابغاها وقال لابوي الشي الثاني خواتي خلهم يتكلمون وش ضارك باللعننه الناس متكلمه متكلمه سوا صحيح ولاكذب وقال الميت يتكلمون الناس فيه فما بالك بالحي مايخلونه خلك قوي واسمع باذن وطلع من الثانيه ومايضرك نبحههم عليك ولاتبرر لهم وتقول بنتي وبنتي وبنتي لا قول لهم كلمه وحده ان بنتي كلمت فانتي تكلميين يافلانه لان اللي يجري على بنتي جرا عليك الجد واحد والعرق واحد وهاذي بنتي ماني متبري منها دامني ماتبريت منك وانتي تكلمين وان قالت لك لا انا ما اكلم وانا عجوز ام عيال قول لها اللي جرا بننتي قد بيوم جرا عليك مثل مابنتي بوجهي انتي بعد بوجه ابوي اللي يرحمه وهو ماتبرا منك قال عمي لابوي حسسها اللي حصل لبنتك قد حصل لها وهو طبعا عشان ما اظلمها هي مالها ماضي ابد بس يبون يحسسونها ان العرض واحد اللي يمسني يمسها واللي يضرني يضرها وقاله الشي الثالث الهم همك هذا لازم تبعد عنه قاله الهم ثابت مايبعد من مكانه لازم انت تبعد عنه يعني بعد عن همك وانسى وقطه وراك طلع نفسك من جو الهم اطلع روح مجالس اخوياك سو مثل ماتسوي اول الهم ان ماقتلته قتلك لاتفكر فيه ابد والشي الرابع حاول قد ماتقدر تزين صورة الحياه لبنتك ورها ان فيه ناس تنجح وناس تفشل بس الذكي اللي مايخلي قدامه عثره او حجر كل مامشا طاح منها لا قل لها هاذي اقدار والاقدار مكتوبه واللي جايلك زوجك يجيبلك اللي اخير منه والشي الخامس خواتك اللي هم عماتها لاتقول لبنتك هذولي فضحوني هذولي تكلمو بعرضي لا قل لها يابنتي عماتك بيجي يوم ويندمون مو عشان تكلمو بعرضك لا عشان تكلمو وفعلو شي اكبر من هذا شي بيحاسبهم عليه ربي اللي هو هدام بيت وضياع اطفال وتشتت زوج وزوجته وبس قال وخل بنتك تدعي ربها وتستخيره وقال ان من اول كنت رافض بنتك تاخذه خاصه هالعايله لانهم نفسيه وقال وقلتلك ياخوي بس ماطعت قلت بزوجها عشان اختي وشف الاخت وش سوت وقال هذولي ثعالب وانت خلك الذيب مو بالعصبيه لا بلسانك بالكلام الجامد وبالكلمه الصارمه بس هذا اللي صار وعمي هذا مطوع وقال لو فعلا تكلم مو مهم كل انسان مو معصوم من الخطا واللي ماله ماضي ماله حاضر لكن المهم نتعلم من الماضي وبس هذا اللي صار وجدتي زعلانه ورجعت لبيت بنتها لان ابوي طرد اخوه اللي يرسله مسجات وايه ابوي قال لعمي ان اخوه الصغير يستفزه بالمسجات قاله لاترد عليه هذا سلاح الضعيف التهديد واحقره مصيره بيندم بس هذا اللي صار وابوي بيطلب ورقتي منهم هالايام هاذي بس انا عجزت اقنع نفسي وقلت لابوي سو اللي تبيه وانا مو مقتنعه قلبي يتقطع كل ماتذكرت حياتي معه وكل ماتذكرت ايامي معه ولا في شي رفضه لي وكان مدلعني بس من بعد هالسالفه تغير يعني هذا اول موقف لي معاه ولا حياتي اول سعيده وكلها دلع,, دعواتكم