رد : خساره يازوجي ,, بيطلقني عشان ماضي؟
تدرون ليه متمسكه بزوجي لانكم ماتعرفون كيد ومكر عماتي تدرون هم انصدمو من ردة فعل ابوي لان دايم الدوم ابوي يوقف معهم بامور كثيره واتوقع انهم قالو نكذب كذبيتين منها يصدق زوجها ومنها يصدق ابوها على فكره ابوي فيه طيبة قلب وكان بسرعه يصدقهم بس هالمره انصدمو من موقفه وزوجي نفس الشي فيه طيبة قلب ويصدق بسرعه اصلا ابوي كان رافض يزوجني غير زوجي لان ابوي يقول زوجك فيه كثير مني يذكرني بنفسي الزبده ان عماتي معروفات بين الجماعه عوب وانهم ياكلون الواحد بلسانه ويعرفون يصفون حكي ويخلون الواحد يصدق انا كثير لما يسولفون عن اي احد كنت اصدق وكانو يعرفون يقنعون الواحد ويعرفون كيف يجيبون راسه والدليل كلام عمتي لما قالت انا رفعتك فوق انا انزلك تحت بالله وش تتوقعون من زوجي يعني يضمني بالاحضان بعد كيدهم زوجي كلم عمي اللي يدرس برا ويقول انا مصدوم وبين نارين مرات اكذبهم ومرات اصدق خصوصا لما طلبت منه يشتري لي لاب توب وكنت مصره عليه وطلبته مو لشي طلبته عشان اكلم خواتي واخواني ع المسن بحكم انهم بالرياض وانا بالشرقيه وعندي جوال وطلبته مو لشي وبما ان دوام زوجي شفتات يعني مرات ينام بالدوام كنت اطفش وقالتلي خالتي اطلبه لاب توب منها تدخلي منتديات منها نكلمك بالمسن وطلبته وجابه لي بس كنت اخليه يجلس عليه وما اخبيه عنه هو كان بعد يستخدمه عاد زوجي يقول لعمي مخنوق والله مخنوق ابيها بس احس بقلبي نار عجزت انسى ونفسي مو قادره تتحمل قاله عمي دامك تبيها ليه ماترجعها قال انا لو ما ابيها طلقتها لكني مصدوم قال عمي تنصدم من شي ماصار وكذب ماتعرف خالاتك قال انا جالس احاول بخالاتي انهن يعترفن ويقولولي ظلموها ولكن زوجتي ما اقدر افتح معها الموضوع مو قادر الكلمه تطلع من فمي بس ،، وعمي يقول صوته يقطع القلب يقول لابوي يقول صدق باين انه مخنوق ومجروح يقول لعبت فيني الافكار خالاتي وخواتي ليه سووا كذا وزوجتي ليه كانت تصر ع الاب توب ،، شوفو الحقااره ربطو طلبي لاب توب بسوالفهم الكذب وعارفه انهم مكذبين اكثر واكثر لكن وش نوع كذبهم مدري،، وبس هذا اللي صار لما عمي كله يقول عمي لابوي الرجال مافيه طب شكله مصدوم بقوه وشكله منجرح يحلف لعمي انه مايقدر ينام ويحلف لعمي انه كل ماقرر يردني ينصدم اكثر ويحلف انه عجز بعد انه يطلقني ويقول اللي لها بقلبي مو شوي ويقول عارف ماراح القى مثلها لكن ابي خالاتي يعترفون لي ولا هي تعترف عشان ارتاح بس قاله عمي الله يبين الحقيقه بيوم وسكره منه ،، المشكله لو تدخل وحده من عماتي موضوعي وترد عليكم والله تقلب افكاركم وتقلبون علي عرفتوا ليه انا متوتره لاني ما اعرف اكون مثل حيلهن وبشهاده من ابوي يقول خواتي يقلبون رجال كيف حريم والدليل ازواجهن حريم عندهن وهن الرياجيل والله بهوشة بنت عمتي مع رجالها عشان مد كاسة الشاهي لامه قبلها سوت سالفه ودخلت ابوها وامها طبعا امها عمتي طلعت لزوج بنتها وابوه وتصارخ بالشارع من ورا الباب وتقوله ليه تسب بنتي وهو يقول ماسبيتها هي غلطت علي والله ماكنت مصدومه من فعل عمتي اصلا يحمد ربه الرجال ظنيتها بتسوي اكثر له لكن ربي رحمه واعتذر لها ولبنتها بس يبي السلامه واقنعته الحين يمد لها كاسة الشاهي قبل امه ونفسه ،، والله مقهوره اصلا كلهم هدفهم طلاقي لكن ليه مدري ووش جاهم مني مدري هذا اكثر شي تاعبني لو غلطت عليهم كان قلت انا استاهل البادي اظلم لكني ماتعرضتهن ولاقربت لهم ولا قلت لهم كلمه او حتى حرف وزوجي كان يقولي قبل احمد ربي عندي زوجه مثلك وعندي مثل امك كان يقول انا احترم امك لانها مو مثل امي تتدخل برياجيل خواتي ،، هو عارف انه خواته وخالاته هاويات شر لكن بعد كلامهم غصب يقنع الواحد انا الله يسامحني كثير صدقت بناس تكلمو عماتي فيهم وقطعتهم توني حسيت ان عماتي لهم حيله ولهم اساليب مقنعه ويربطون اشياء ماتخطر ببال احد من قالي ابوي ان عمي كلم زوجي وانا افكر بحاله وحالي صرنا كوره بينهم ،، مدري كيف اتصرف حتى ابوي احتار يقول خايف الحين اطلب طلاقك والرجال يروح ومايرجع ويزوجنه اول مايطلقك حره لك وعشان مايرجع ويقول ابوي وانا نفسي ادبه لك يقول والله احترت امس ابوي مزاجه معكر من بعد مكالمة عمي لزوجي يقول رحمته هالضعيف لعبن فيه هالحريم وانا بصراحه ضاق صدري حسيت انهم ماراح يخلونه لين يطلق وابوي وده يربيهم ويربي عماتي بس شكلهم عماتي مالهم امل يتربون لين يموت اخر شخص بهالدنيا ولابعد ماراح يخلونه لحاله يجلطونه لين يموت ويقولون الله يحرمه بعد اللي سوه،، ابوي يقول شرهم ليته لغيرنا صار شرهم لنا ،، احس الامور بدت تتعقد اكثر واكثر احس كل ماحاول يقرب مني شووهو صورتي عنده وابوي حالف مايكلمهن لانه لكلامهم بيصير نفس الانتصار لهم وبيقولون اتصل يطلبنا نرجع زوجها لها ،، حسبي الله ونعم الوكيل