رد : انت ما تحبني .... لانك ما تضمني و تبوسني ** ذبحتونا يا حررريم
اقتباس:
المشاركة الأصلية كتبت بواسطة زهـرة الـرمـان
انا مو متزوجه
لكن لاحظت ان كلامك صحيح جددداً
لأني انا بنت في بيت الوالد وعند حصول اقل مشكله ما تستاهل العصبيه وكدا
على طوول اقلو (( انتا اصلا ماتحبني )) انتا تحب ...... و ...... وو طبعاً اخواني اكتتتتر مني
ويجلس يقول ليش يابنتي انا ايش سويتلك والله انا احبكم كلكم
وافضل اقلو انتا عملت لـ اخويا كدا كدا كدا وانا ماعملتلي كدا كدا وانتا وانتا : (
ويالله مسكيييين يجلس يفهمني ويحاول يحل المشاكل .,~
ماعلينا من ذا كلو بس انا من رأيي انو الزوجه المفروض ما تكبت في قلبها وتشيل في خاطرها
يعني خلاص اول ما تزعل تصارح زوجها مو تشيل في قلبها وحتبقى تراكمات نفسيه
وعند اول مشكله بسيطه تبدأ الزوجه تنفجر
والله المستعان ممكن حتى في موضوع يكون الزوج عفوي وماقال اي كلمة او تصرف يضايقها
بس هي فهمت غلط وسكتت وشالت في قلبها ولمن تجي تنفجر وتقول المواقف
الزوج نفسو يستغرب ويقول ياحبيبتي طيب قوليلي في وقتها ويبدأ يفهمها وجهة نظرو
عاد وقتها تعال شوف وجه الزوجه كيف اكييد اتندمت
شكراً على الموضوع رائع يستحق النقاش : )
|
والله يا زهرة الرمان كلامك عيييين العقل صراحة
وايضا شهد شاهد من اهلها 
وفعلا من اكبر الاخطاء ان الزوجه تكبت زعلها إلى حد ما تجي اقرب فرصه لتفجرها
وكلامك في محله يا زهرة الرمان في هذا الموضوع
شاكر لك مرورك و اضافتك النيرة