أخي الكريم ,,
النظره الشرعيه مو عشان تشوف شكل المخطوبه فقط
سبحان الله أول ماتشوفها تحس بقبول ناحيتها او نفور منها وهذا هو الأساس من الشوفه ,,
خطيبتك مثل ماذكرت صغيره وشكلها متأثره بكلام اللي حولها (
أثقلي عليه وطنشيه وماينفع تكلميه )
والمشكله انها حرمت نفسها من شئ عظيم بغير داعي
مادري كيف ترضى تتزوج وهي ماتعرف ولا شي عنك !!
يعني ماتتمنى تكلمك تعرف طبعك وشخصيتك يمكن سبحان الله ماتناسبها ويمكن تكون مناسب لها وتحبك !!
واللي يقولك عادات وتقاليد ومستحيه وماتعودت ؟؟
يا اخي كلنا ماتعودنا وكلنا نستحي لكن لازم نكون ضد العادات والتقاليد اللي تدمر مجتمعنا واغلب الزواجات اللي تمت بهذه الطريقه مصيرها الفشل خصوصا مع الجيل الجديد من الشباب وبعد ماكثرت مغريات الدنيا ,,
كل البنات فيهم حياء ومو متعودين لكن بعد الشوفه الشرعيه لما تشوف خطيبها اذا ارتاحت له بتحس احساس حلو ناحيته وتبدأ تتقبله
اول المكالمات بتكون البنت ساكته ومستحيه وماتعرف ايش تقول شوي شوي بتاخذ عليه خصوصا لما تكون المكالمات شبه يوميه بعد كم شهر بتحس ان هو اللي بتكمل معاه باقي عمرها هو الامان والحنان وكل شي في حياتها تقرب منه وتفهمه ويرسمو اساس لمستقبلهم وحياتهم ....
وعشان لاتشغلها عن دراستها طبعا واضح عذر أقبح من ذنب في ناس متزوجين وعندهم اطفال ويدرسو ..
أكيد مكالمتك لها مو هي اللي بتخليها تقصر في دراستها
واذا البنت كان ابوها ضاغط عليها وهو اللي مانعها تقدر تكلمه وتدخل اخوها في الموضوع ويحاولو يقنعوه او على الأقل تتواصل معاك بالرسائل او الواتس أب فقط بدون مكالمات
غريب الأب مايبغاك تشوفها في النظرة الشرعيه عشان لاتجرحها برفضك لها طيب مافكر بطريقته هذي لو حصل زواج وشفتها وما ارتحت لها ولا اتقبلتها وحصل طلاق -
لاسمح الله - كيف بيكون جرحها وكيف بتكون نفسيتها ؟!
وعلى فكره هذا الشئ حصل مع أحد الأعضاء في المنتدى وبعد 3 سنوات أنفصل عن زوجته لأنه مو قادر يحبها ولا يتقبلها !!
واخونا
Looove كمان له حادثه مشابهه مع ثقل البنات إن شاء الله يجي ويفيدك
والله يا اخي انا رأيي مثل ماقالو بعض الأعضاء شد عليها خلي أختك تكلمها اما موضوع انها تكلم اختك وماتبغاك تعرف عشان لا تاخذ رقمها والله شئ غريب أكيد دام رفضتك وماتبي تكلمك انت ماراح تاخذ رقمها بالغصب ؟!
خلي الوالده تتدخل في الموضوع وتتفاهم مع اهلها اذا لزم الأمر يمكن أم البنت تقدر تقنعها ..
لكن نصيحتي لك لا تقدم تنازلات من هذا النوع في موضوع مصيري مثل الزواج أصر على موقفك وهذا أبسط حقوقك ..
أسأل الله ان يوفقك ويكتبلك مافيه الخير ...
طمنا ايش يصير معاك واسفه ع الإطاله ,,