اقتباس:
المشاركة الأصلية كتبت بواسطة Saudi-RoYal
بصراحه يااخت رنا الي تخلع زوجها وخصوصا وقت الملكه ينخاف منها
لان مثل ماطلع عليك كلام اكيد طلع كلام على الولد
وبعدين لو انا مكان ام الرجال الي خطبك اكيد بفكر انك متشرطه وراعيه مشاكل
طبعا مدري ليش فكرت كذا بس اكيد ماراح اسويها واخطب وحده خالعه زوجها لان ممكن تخلعني انا بعد من ابسط مشكله تصير كذا الي يخلعون قويات وراعيات محاكم وهالشي نقطه سلبيه لونه طلاق عادي احسه اهوون
وجهه نظري وكلام بخاطري من اول موضوع لك كتبتيه ودي اقوله لك ..
|
وجهة نظر ونحترمها .. وماأدري ليش لما قرأت تعليقك حسيت انك تنظر للمرأه نظرة من اتجاه واحد.. اتمنى تكون حيادي اكثر في رأيك..
اما بالنسبة يوم انك تقول لو كان طلاق كان اهون من الخلع .. يا اخي زي مايحق للرجل انه يطلق يحق للمرأه تخلع زوجها اللي مش راضي يطلق وزي ماقالت الاخت ميسم (
مش حب فيها) بس عشان يخليها تتعذب وتتعب نفسيا..
انا مش مع المرأه ولا مع الرجل كل انسان له ضروفه ياما هناك رجل مظلوم من زوجته وياما هناك نساء مظلومات من ازواجهن .. على اي اساس تحكم ان البنت اللي خالعه زوجها تكون قويه ومتعوده على المحاكم .. ومن يقول لك المحاكم سهله ترى الوحده ماتحصل صك فسخ النكاح الا وطالعه روحها لانهم مايخلونها تأخذه الا مقتنعه اقتناع باللي هي تسويه ..
صدقني مافي احد يحس بالمشكلة الا اللي جرب وعاش تفاصيلها ..
في هذا الزمن مش كل رجال رجال ولا كل مرأه مرأه .. نسأل الله السلامة والستر على الجميع ..
هذه مداخله اتمنى تكون فهمت وجهة نظري ورأيك يظل حرية شخصية والله يوفقك مع بنت الحلال اللي تتمناها..