والحين برد على كلامك بخصوص موضوع الوالد والوالده الله يحفظهم
ويسامحني ع اللي سويته فيهم



اخوووي كلامك كله ع العييين والراااس
وصح كلامك لو كان عند غير اهلي .. بس اهلي كانوا مراقبيني من كل النواحي
من غير شك طبعا مجرد يتطمنون علي

حضرتك اخوي تفضلت وقلت
دور الاب والام المراقبه والبحث والتدقيق

امي وابوي ما قصروا معي من هالناحيه
انا ما كنت اروح بيت صديقاتي الا بعد ما يتأكدون من اهلهم ويسألون عنهم ويتطمنون ان هذي العايله محترمه وماعندهم شي ينخاف علي منهم
وطبعا زياراتي لبيت صديقاتي واللي اغلبهم اهلهم معرفة مع اهلي ما تتعدى الساعتين بحدود مرة كل شهر او شهرين واحيانا تطول الفتره
ولا كنت اطلع مع صديقاتي برا البيت مطاعم او مجمعات او او او

تصدق .. الدش اللي تقول عنه
ماعرفته ولا شفته الا يوم كان عمري 16 سنه تقريبا او بعدها بشوي
قبلها ما كنت اعرف وش يعني دش ووش يعني قنوات "فضائيه"
وبفاجئك اكثر .. انا دخلت عالم الانترنت قبل لا اتعرف على الدش
وكانت عندي علاقتي الاولى وانا ماعرف ايش يعني فلم او شلون اغير من قناة لقناة او كيف يستخدممون الدش اصلا

ثاني شي اللابتوب والجوال مثل ما تفضلت
اللابتوب انا ما اخذته الا قبل اخر سنة ثانوي عشان جهاز البيت اخترب وصعب يتصلح وكنت احتاج اسوي بحوث ومن هالكلام وكان اللابتوب بيد الجمييييع وانا اصلا اجلس عليه وانا بين اهلي حتى كلمة سر ماعليه
الجوال ما اخذته الا بعد التخرررج من المدرسه وكان ابوي يقدر يطلع على سجل مكالماتي وحتى الجوال مفتوح
بتقول لي الايميل .. الايميل كان ينفتح قدامهم والمضافين الاهل والصديقات

تبي الصراحه .. انا كنت ذكيه زيادة عن اللزوم وبغبااااء صراحه
انا بحكم ذكائي شوي بالكمبيوتر وبمساعدة صديقتي تعلمت امسح كل شي
الهستوري ومواقع الشات وأي شي استخدمه
الايميل .. سويت لي ايميل ثاني محد يدري عنه الا انا وصديقتي عشان ذيك السوالف ومن البدايه ما كنت احفظ المحادثات
الجوال .. عمري ما كلمت احد فيهم من جوالي الخاااااص
كان عندي رقم ثاني طلعته بمساعدة احد الاشخاص واشغله من وراهم
واكيد محد بيلاحظ لان الشريحه صغييييره حيييييل وانا ما افتحها طول الوقت

بالله عليك .. كيف راح يشكون
كل الاشياء اللي ذكرتها بكلامك فوق كانوا يشوفونها ويدققون فيها لاني انا افتحها قداااااااااامهم وحتى كلامي يشوفونه
كنت شيطان بصورة انساااان
ولو احد بيفتش غرفتي او جوالي او جهازي
ما راح يلقى ولا شي
لا صور لا مكالمات لا ارقام لا محادثات ولا شي يثير الشك
وفوق هذا انسانه ملتزمه بمركز قرآن وتسوي كذا ؟؟!!!

والمصيبه وين ..
تدري انا اول انسانه لبست الحجاب بين قريباتي حتى الاكبر مني
ابدا بحياتي ما طلعت متبرجه حتى وانا صغيره
كنت البس حجاب ساتر مو حجاب الموضه زي ما ينقال الحين
تحجبت وانا صغيره بقناعة تامة مني

وهذا الشي اللي خلا امي وابوي يفتخرووون فيني ويثقون فيني
حتى لما كنت اسمع ان بنات يكلمون شباب او مثلا اهل فلانه مسكوها وهي بتطلع مع حبيبها
اهلي كانوا يشوفون علي علامات التعجب والاستغراب والاشمئزاز
وهذا الشي ريحهم
يمكن تقول اني كنت اتصنع هذا الشعور قدام اهلي عشان ما يشكون فيني
بس ابدا والله .. كانوا يكسرون خاطري وافكر بيني وبين نفسي ليش يسوون بنفسي كذا
مع اني انا بعد اكلم نكته صح
لكن لاني مستوعبه ان اللي اسويه غلط واني ابي اطلع نفسي من الموضوع هذا عشان ما يجي اليوم اللي اكون فيه بنفس موقفهم
ولان الشي اللي كان يعطيني افضليه عليهم مع اني اسوأ منهم في الداخل
هو اني ولله الحمد مافكرت اطلع معهم ولااا مرة

شيء أحسن من شيء الحمدلله

بالله عليك .. لو انا بنتك -والله يبعد بنتك عن هالسوالف ويجعلها من الصالحين ويحفظها بعيد الشر عنها والله لا يقوله تصير مثلي- بتشك فيني وانت ماعندك ولا اثبات ولا حتى لاحظت ارتباك او تغيير مني ؟

بالاخير .. انا فاهمه كلامك وعارفته ومعك حق فيه
لكن انا حبيت اوضح لك وجهة نظري
لان الموضوع هذا يحز بخاطري كثييير
وربي وربي ما ودي اهلي يتعذبون بسببي وهم مالهم ذنب
والله ربوني احسن تربيه وغرسوا فيني احسن المبادئ والقيم وحافظوا علي
بس انا ابدا ما حافظت على نفسي وللاسف ذكائي وشجاعتي استخدمتهم عشان ادمر نفسي
ولعبت على نفسي وعلى اهلي
انا بس ادعي ربي ما يحاسبهم على اللي سويته
مالهم ذنب ان بنتهم اللي حافظوا عليها ما حافظت على نفسها

ايام كنت اكلم كان كل خوفي اهلي يكشفوني ويتدمرون بسببي
والحين صرت اخاف عليهم ان ربي يحاسبهم على شي مالهم ذنب فيه
بس ربي غفور رحيم كرييييم مايرد عبده اذا سأله

هذا تعليقي اخووي
وبالقلب كلااااام اكثر واكثررررر بس ما ودي اثقل
كفايه عليك كل الكلام اللي كتبته فوق

اكيد بنتظر تعليقك عليه
حسب وقتك بارك الله فيك
وساااامحني ثقلت عليك كثيير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين