الله يعنيك و يفرج همك

بكل امانة اذا كنت مكانك سافعل التالي

اولا وقبل كل شي .. تاجيل الانجاب الى ان تستقر الحياة بينكم (لا بنت ولا ولد )

ثانيا.. محاولة ارجاعه لطريقة الصواب بالنصح والكلمة الطيبة و اللين (بدون ماتشعريه بشكوكك)
كوني عادية .. تجهزي له و لعودته .. اكرميه و هنيه و طنشي مموضوع موبايله
وحاولي تلهيه عنه بكيد النساء

ثالثا.. انصحيه دينيا .. حثيه على الصلاة .. الصدقة .. عمل الخير .. وصل الارحام
حتى خذيه مفاجأة لملجا الايتام و خذي معاك هدايا بسيطة لهم (عشان يطلع من تفاهاته و يشوف النعمة
اللي هو عايش فيها و يحس بمدى سطحيته في الحياة) و لا تنسى تعطيه كم كلمة عن النعم اللي عايشينها
وكيف اننا لازم نتقي الله عشان ربي يديمها..

رابعا .. لا تفضحي خواته.. بل اعطيه قصص غير مباشرة (الفي و ابدعي ) عن رجال مغازلين و خاينين
و ربي ابتلاهم بباخواتهم و بناتهم .. وانتقي الوقت المناسب لحكيها

خامسا ... اذكري الله دايما امامه .. حتى يستشعر ذلك ...

سادسا ... غازليه بالتلفون .. لا تستغربي .. اشبعي هذا الرغبة عنده .. ارسلي له مسجات حب و غزل
ونوعي فيها.. مرة غزل بريء ومرة جريء

سابعا .. اذا استمريتي بكل هذا و برضو شفتيه لازال على حاله
حاولي يكون معاك دليل ولو حتى رسايل و اذهبي لبيت اهلك و اضغطي عليه يا يمشي زي الناس يالانفصال


ثامنا ... شفتي ماااااااافي امل منه .و انتي تعبتي من افعاله و عندك الدليل ..
فكري و استخيري و شوفي سلبيات و ايجابيا البقاء معه و الانفصال و قرري .. بس لا تتاخذي اي قرار بالانفصال الا بعد
ما تستنفذي معاه كل السبل و الطرق عشان ماتندمي مستقبلا لاقدر الله

ولاتنسي قبل كل شي الدعااء و الصدقة .. ربي يسعدك و يوفقك و يسخر قلب زوجك لك ياارحم الراحمين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله