رد : شوركم ابي اتطلق من زوجي ..
الله يهدي بالك ويكتب لك السعاده
من الطبيعي ماحد يشور عليك بالطلاق
بس بكون معاك صريحه شوي لاني اعتبرك مثل وحده من اخواتي وابغا لك السعاده
اقتباس:
المشاركة الأصلية كتبت بواسطة طفله الماضي
السلام عليكم
اولا الطلاق قسمه ونصيب .. زوجي ولد خالتي وتعبني من اول زواج حقير معنى الكلمه يعني اللي يعرف معني الحقاره هذا وصفه مع العلم مايمد يده وطيب احيان
يعني هو بالاساس طيب
لكن لايحترمني ولايقدرني وتهديد من او لزواج وليت كذا وبس اهله يهينوني اهانه الله عليم بها
وبالعه موس وساكته وامه اللي هي خالتي احقر ماخلق ربي .. بغيتهم عون صارولي فرعون
تخيلوا وش سوا فيني
مايبيني احمل وماكلني حبوب منع حمل ويخش حمل حريم اخوانه عني واخر من يعلم انا
كم الفترة اللي جلستي تاكلين فيها الحبوب؟
ترى اغلب العرسان ياخذون فترة سنه حتى يتعودون على بعض او بمسمى اخر (يعيشون حياة العرسان اطول فترة)
وليش اكل حبوب عشان تونا
تركت الحبوب وحملت لان طلقني ويوم بغيت ارجع ترجاني على اني ارجع
ماترجاك الا لأنه يحبك ومايقدر يستغني عنك
وفكرت فيها قلت مطلقه وبنت محد يبغاني على الاقل اكسب منها عيال
وهو مايدري تركت الحبوب وحملت وانقهر ويوم جا مولوده حبه كثير وتعلق فيني طيب الحمدلله هذي نعمه
ماصار يبي يطلق لكن بعدها بشهر
قال اني مجنونه عشان ماستقبلت اهله بسبب اذاهم لي وعدم احترامهم
بصراحه هنا انتي الغلطانه لازم تستقبلينهم
واذا كان اذاهم لايطاق استقبليهم برسميه عشان زوجك ومولودك لاتنسين هم نفسهم راح يكونون عزوة ولدك
يمكن فرحتهم بحفيدهم تخليهم يحبونك اكثر
وقال خلينا نروح مستشفى قلت ليش توني والده صارلي شهرين قال حاب اطمن عليك بس كشف
يوم وداني تخيلوا وين وداني طبيب نفسي وحطوني قسم النفسيين وقال عني اني مجنونه صعقت يسالني الدكتور ماقلت ولاكلمه
وخلاهم يمسكوني ودخلوني وجلست شهر لين بست رجله يطلعني عشان ولدي وتوه يرضع وطلعني ويضحك علي وكل عرف اني دخلت المستشفى تخيلوا ناس حريم اخوانه وجماعتنا يعني فرح العدوا وزعل الصديق
هنا هو الغلطان ميه بالميه بس ياخيه اكيد انه سمع التحريش لانك ماستقبلتي اهله فيرجع الغلط عليك من الاساس
المهم فكرت بولدي قلت ماعنده اخوان لامت او سوالي شئ هو واخواني لانهم واقفين معه وايدوه
يتبهذل حملت عشان يجي اخو لولدي
وولدت الحمدلله ارتحت وخلاص فكرت اطلب الطلاق مهما يصير لي اذى عند اخواني
ادري بتلوموني ولكن معاد ابي الدنيا ولابي اتزوج ثاني
هو مايحترمني ويهددني بالطلاق الضعف والاهانه والجنون ودايم يعايرني باول كنت اخاف يطلق بسبب كلام ناس الحين اتمناه منه انصدم مني يوم انتظر هالكلمه
والا الان على هالحال انتظر الطلاق
بس قريب بيتم اتمنى دعواتكم لي لاني بكرب وابتلاء لايعلمه الا الله
ونصيحتكم
تراجعي عن طلب الطلاق راح ترتكبين اكبر غلط بحياتك
وشلون تتركين اطفالك وشلون تبغينهم يعيشون مع ام واب مطلقين
لاحول ولاقوه الا بالله وافوض امري الى الله |
اقتباس:
المشاركة الأصلية كتبت بواسطة طفله الماضي
الله يجزاك خير على كلامك المنطقي
اختي بارك الله فيك انا يتيمه واخواني معه لانهم اصلا ك لواحد يكرهه ثاني وواحد منهم وراني الويل عشان هاوشت مرته ووراني نجوم الظهر
وشلون تسمحين لنفسك تهاوشين زوجة اخوك مهما كان غلطها ؟
مالك اي حق بالهواش والكلام الزايد ممكن تنصحينها بالحسنى والحسنى فقط لاغير
محد يرضى ان اي مخلوق يهاوشه على اي سبب كان سواء غلط ولا ماهو غلط انتي مانتي ولية امرها
ويوم رفضت اشوف اهله بنفاسي كلم اخواني وعطاه احدهم شور يوديني لامراض نفسيه على ماعتقد لانه من كلمهم سوا هالحركه
طيب انتي الله يهديك لو استقبلتيهم برسميه وش كان خسرتي
وصحيح يوم قال بطلقك قلت عادي ورحت اتجهز قال عيالي ماراح تاخذيهم قلت لا مو على كيفك عيالي باخذهم وطلق
قام يضحك وقال روحي لاهلك عشان تعرفين ذل صحيح
يمكن يبغاك تتراجعين عن قرارك!
طحت بين ذل الاهل وذل زوج
الله يبعد عنك كل شر ياااارب
الله يفرجها ويعين اعرف ان الدنيا بلاوي وصابره وادري انه ابتلاء من ربي لاني صابره وخايفه ربي
والمؤمن يبتلى انا ماقولك منزهه انا عندي عيوب انقهر واعصب بس مولدرجه اني اتجاوز حدودي على غيري
وعندي كرامه ومستحيل احد يتجاوز حدوده معي
اتمنى صبري يكون له نتيجه وربي يجازيني ويعيني
|
الله يصبرك وينور بصيرتك ويبعد عنك كل كدر يارب العالمين
اقتباس:
المشاركة الأصلية كتبت بواسطة طفله الماضي
مالي خيار لو رجعت اخوي احقر منه بيزوجني لواحد سكير لانه يقول بزوجك من واحد سكير ويهددني وتزوجت ولد خالتي لاني قلت لاخته عن حالتي وهو رفض خطاب كثير وخفت من تهديده
فخوفي من هالناحيه خلاني ابلع نار بحلقي واصبر
|
طيب هنا انتي قلتي لبنت خالتك عن وضعك ومع ذلك اختارتك واختارك هو له زوجه
لاتاخذين على تعاملهم معاك بعد الزواج حاولي تكسبينهم بكل مره بيني لهم طيب اصلك
شوفي انا متزوجه ولد خالتي وكانو يموتون فيه بس سبحان الله بعد الزواج تغيرو علي ميه وثمانين درجه
كأني عدوتهم ومع ذلك فكل مره احاول ابين لهم طيبي واحاول اني اكتم غيظي منهم
وحاليا الأوضاع مستقره صارو مايسوون حركات نص كم مثل الثلاث سنوات الاولى
والحمدلله على كل حال
اقتباس:
المشاركة الأصلية كتبت بواسطة طفله الماضي
صادقه حتى يبي يتزوج ثاني
طيب وش اسوي اقدم معروض للملك يعطينا بيت والله المطلقات والارامل محتاجين لسكن لنا ومجمع خاص
والله حاله الارامل والمطلقات تصعب
|
لاتقدمين معروض ولا شي ارتاحي فبيتك مع زوجك واطفالك والله يسخركم لبعض يارب
اقتباس:
المشاركة الأصلية كتبت بواسطة طفله الماضي
مشكوره قلبي زوجي اعرف اتعامل مع حتى يوصل لدرجه يطير فيني
طيب الحمدلله معناته تقدرين تردين لك زوجك وكمان يدل على انك واثقه من حبه لك
لاكن لاجا اهله واجابني عندهم غيروه 100 درجه وخلونا نرجع لصفر وهذه مشاكلنا
هنا انتي عرفتي المشكله
حاولي تكسبينهم بالاخلاق الحلوه خلك دايم مبتسمه اذا شفتيهم
وكمان اذا رحتي لهم سوي لك اي طبق حلو وروحي صدقيني مره مرتين ثلاث واكثر وراح يرجعون يحبونك
وخالتك اعتبريها امك وقولي لها انا ياخاله ربي حرمني من امي بس عوضني فيك وبوسي راسها
والله العظيم لتشيلك فوق راسها بس مو مره مرتين وتملين من صدودهم لاااااا
شوفيني سبع سنوات والى الأن احاول اكسبهم خصوصا خالتي لانها ام زوجي وجدة اولادي مستقبلا ان شاء الله
مره امه قالت له قدامي ترا اهلها كارفينها لاتدلعها قدامنا وحنا عارفينها ويوم بغيت ارد عليها خانقني وقال هذه امي
ودايم يغصبني اروح عندها توصل لخناقه قويه يعني سبب مشاكلنا اهله امه وخواته
وشلون تبغين تردين عليها مهما كان هذي امه وجنته تحت رجولها
طيب وشلون لو تكذب عليه عيني عينك وتقول زوجتك ماتسوي لي ولاتبدع لي وانتي مسويه لها كل شي
وش بيكون ردك صدقيني ابتسمت لها وقلت لها ياخاله سامحيني اذا قصرت اوعدك المرات الجايه اسوي لك اللي تبغين بس لاتقولين لزوجي قولي لي انا عشان مايزعل علي ( وهو جالس  ) يتسمع
وربي استحت على دمها وانقلب وجهها لاني غلبتها بالكلام الزين
وعادتها مره ثانيه وثالثه ومن بعدها سبحان الله تغيرت شويه ( ماهو كثير ) بس الحمدلله الامور مستقره
وراح احاول اكسسبها طول عمري
مره دعيت عليها ان كانت ظالمتني طاحت بالفراش شهر تحسبون انها تتوب ترجع زي اول
ابتليت فيها  |
لاحول ولاقوة الا بالله حتى لو ظلمتك احتسبي الاجر عند رب العالمين الدنيا وانا اختك فاااانيه ومافيها خير
انتبهي لايدري زوجك عن دعوتك
التعديل الأخير تم بواسطة وابل الندى ; 04-05-2012 الساعة 05:09 AM