عابر سبيل
ياخوي عدلها بهالطريقة وماعليك شي إن شاء الله ، ومثل ماوضحتلك أختي نورث
لأن إذا أنتقدتها بتقولك انت ماعدت تحبني ومتغير علي واكيد في بنت بقلبك
وتبدى مواويل النكد والشك والمشاكل اللي مالها اول من تالي ويمكن بعد تضربها
فالأحسن أتخذ الطريقة اللي قلتلك عليها .. أسلملك ، وأسلملها .. وأسلم لعلاقتكم

عصفورة
يارب دوم الضحك ، عندنا كيد بس غالباً مانلجأ له لأنها بنظرنا وسيلة الضعيف ، بس شنسوي حدنا الزمن عليها لتجنب المشاكل .
سعيد جداً بإبتسامتك.

نورث
عين العقل والصواب ، شكراً لوجودك.

رينول
والله فيه بعض الرجال ينتقد بطريقة لطيفة جداً ومليئة بالود بس المشكلة بعض هالحريم أتفند هالإنتقاد على أنه هجوم ولازم يصير عندها ردة فعل عكسية أتخلي هالرجال المسكين يندم أنه قال كلمة حق كان ينوي منها المعروف!!

غزلان
يامرحبا ومسهلا ، والله ياغزلان ادري ان كيدي مايساوي مثقال ذرة من كيد الحريم ، بس شسوي لازم نلجأ للعبط شوي ونستعير من كيدكم عشان انضبط الأمور للأحسن والأفضل.

أنا زوجتي قلت لها مرة ياسلام ع الطبخة اليوم كانت جنان بس ناقصها شوية بهارات ، والله شوي وتاكلني هههههه ع طول قالتلي انت بعمرك ما مدحت شغلي لازم أطلع عذاريب ، ياربي شسوي يعني اكل وانطم والا شنو ؟؟؟

أسما نور
والله عاد انتم الحريم إنتاج القصص إختصاصكم ، بس لو أني منج ، أحكلية قصة عن زوجة حطت سم لزوجها وقتلتة عشان ماتغير ببعض الأشياء ، وسمي اشيائك عاد !!

مدن السلام
فيه أرجال والله تحطينهم ع الجرح يبري
وفيه أرجال تحينهم على الجرح يورم
لاتصيرين مرة وحدة عاد ، فيه كذا وكذا ، يعني على سبيل المثال عندج الخبل اللي قاعد يرد عليج الحين !! مسالم جداً جداً وأستعملت كل الطرق السلمية ومانفعت معاي ، وهددت بالعنف وعمك أصمخ ، ولما صرت اسولف عن القصص قامت تستقيم وبشكل ملحوظ !!

مرة ماخذها من بيت أهلها جتني تقول ان فيه وحدة من صديقاتها زوجها اتزوج عليها ( ومن داخلي قلت الحمدلله قصتي صارت لها واقع ومن طرفها ) فقلت لها أكيد كانت مقصرة معاة ، كان تقولي والله العظيم يالمتفائل إن فكرت تسويها أذبحك وأذبح نفسي وراك !! ( القصص قامت أتأثر ) !!

قلبي حنون
صدقتي أحنا فاشلين بالكذب والمشكلة أن المرأه ذاكرتها قوية مع من تهتم لأمرة ، بس أنا أعتبر هالشي مو كذب لأنه خرج بداعي التحسين والإصلاح ولتجنب المشاكل ومايصاحبها من عنف!!

مشكلتي زوجتي
حبيب قلبي والله وجودك مهم عندي
وسلمني ع صاحبك والله أنه فهم كيف يتعامل معاها من غير مشاكل نفسية او جسدية
أعتبر هالطريقة نوع من انواع الحكمة والعبقرية

كل الحب لكم جميعاً .

__________________
استغفر الله واتوب إليه