رد : رجل الرجال
أنا طلبت من المشرفه حذف بعض الردود وإن شاء الله تحذفها باسرع وقت لاني والله بديت أتعب أو أمل من الوضع انا صارلي قريب الاسبوع يالس بالبيت ما أطلع الا لضروريات أحس أني بستخف اذا طولت سالفه اذا بهذه المده بس كنسلت لخدامتين من البيت لاني صرت أراقبهم ما وراي شغل , أحس حياتنا ممله يوم أقرأ هني بالمنتدى عن بعض المشاكل أقول والله أنهم بنعمه , الوضع بالبيت واليلسه ويا لجين حسيتها مخيفه اكتشفت انها ما تغادر جناحها أبداً سالتها ما تملين ما تتعبين وأنتي قاعده بين الحجرتين تقول موضوع يخصني , قلت لو كان في ياهل بالبيت بيشغلني عنها بحس أنه في حياه بالبيت في احد تشوفه بويهك ...
لجين تتبع أسلوب صمت قاتل تصدق يوم أقعد أدور بالبيت من طابق لطابق ما أسمع غير صوت الخدم أقول هذه معقوله ما تفكر تنزل تسولف ويا احد حتى بتليفون البيت طول الاسبوع ولا مره رن ولا شفتها تستخدمه مب متخيل في حرمه جي .
السموحه طلعت بالخاطري والله من القهر اللي بداخلي دعوواتكم الله يصلح حالنا ويرزقنا بذريه صالحه...
__________________
الحمد لله على كل حال