رد : في احد حاس فيني
بصراحه فعلا عيب انه ما ينزل يسلم... خاصة انه مب بشكل يومي يجي ياخذك... يعني بين فترة و الثانية و الأصول انه يسلم على الكبار... يا اختي جبر خاطر...
لو انتي تعاملتي مع اهله بنفس المعامله كان زعل منج...
بس انا بعلمج على شي...
العبي على الحبلين مثل ما يقولون...
طلعتوا مع بعض... اول ما تدخلين السياره قولي له ابوي و امي يسلمون عليك (و مثلا خذي اي شي امج تكون مسوتنه كيكه صغيره او حتى حبة بسكوت وقولي له امي تعرف انك ما بتنزل لأنك مستعجل و لزمت علي آخذ لك قطعه) هذا يقرب القلوب من بعضها... و انتي راجعه معاه خذي هدية لو غرشة عطر و قولي لها امي فلان يسلم عليج و يستسمح منج انه ما نزل يسلم و قال لازم اخذ شي لخالتي الغاليه و لا تنسين طبعا ابوج في الموضوع..
و احيانا يوم يجي ياخذج... اتأخري شوي و خليه يدخل بحجة التأخير و لازم تنبهينه لسالفة الضيافة انه ما يجوز يرد ضيافة أحد....
بالتوفيق اختي..