رد : إشتياق زوجتي إلى متى ؟؟؟؟
وش أقول لك :
أنا مريت بنفس الظروف في بداية زواجي والله دمعتي ماتفارق خدي حسيت أن حياتي وسعادتي ماتكتمل
بدون أهلي لأن علاقتي بأهلي قوية فكنت أحس بوحدة قاتلة حتى أهل زوجي ماكانوا معانا بالمنطقة وكنت
أحس سعادتي ناقصة وفيه شيء كبير ناقصني وأقول معقولة لما كبرت أبعد عن أمي وأبوي وماقدر حتى أبر فيهم ولا أزورهم ولا أقوم بخدمتهم زي قبل..؟!
يعني بس ربوني وكبرنوي ولما جات نفعتي مانفعتهم بشيء وش هالحياة الي بتكون كلها فراق وغربة
وكنت أشوف العالم يوم الأربعاء الكل يروح لبيت أهله أو بيت أهل الزوج فكرهت الأربعاء كره فضيع وما أطيقه لأنه أكثر يوم يشعرني ببعدي عن أهلي
وتعرف متى الوحدة تكره البعد عن الأهل يوم تمرض أو تتنوم في المستشفى وأهلها مو جنبها حتى زوجها
لما يمرض تحس بخوف لأنها هي وياه لحالهم ووحيدين
البعد عن الأهل مرض قاتل وخاصة لو البنت مرتبطة بقوة بأهلها لأن فيه بنات ماتفرق معهم ويتمنون
الزوج إلي يبعدهم عن بيت أهلهم أو بينهم وبين أخواتهم مشاكل وخلافات فالنوعية هذي يتأقلمون بسرعة وما تتأثر نفسياتهم كثير لأن البعد مريحهم من المشاكل مع الأهل