السلام عليكم ورحمة الله تعالى وبركاته

كيف حالك يالغلا دخلت علشانك مخصوص شوفي انا سمعت مرة
من الدكتور جابر القحطاني الصيدلي والخبير في طب الأعشاب

سمعت انه يقول فيه فيتامين اتوقع ان اسمه هير بدال او ماشابه
انا ماني متأكد زين لاكن اتوقع ان اسمه كذا إسألي عنه بالصيدلية

يقول الدكتور جابر القحطاني ان هذا الفيتامين اثبت نجاحه في علاج حالات التساقط بل فيه من استخدموه وهم يعانون من الصلع وتحسنت نسبة نمو الشعر عندهم بنسبة 80 بالمئة ومع الإستمرار على الفيتامين تتحسن اكثر واكثر انتي ابحثي في موسوعة الدكتور جابر للأدوية العشبية وشوفيها بنفسك وتأكدي

بالنسبة للخلطات صراحة انا ماعندي خبرة فيها كثير لأني ما احب احط نفسي حقل تجارب لأنه اللي ينفع مع وحدة من الحريم ماينفع مع الثانية لكل جسم هرمونات وتركيبات خاصة تختلف عن بعض البعض

يعني اذا هاذي الخلطة نفعت مع وحدة وجابت نتيجة هاذا مو معناته انها راح تنجح مع الحريم الباقين

يمكن يكون لمفعول الخلطة شئ عكسي يمكن تأثر او تسبب لك مشكلة انت في غنى عنها
طبعا اكثر الأعشاب اللي تستخدم في الخلطات نحن نجهلها ولانعرف كيف شكلها ونشتريها بناء على ذكر اسمها
سمعنا عن ان عشبة كذا لعلاج كذا ونروح للعطار نطلب منه جيب لنا عشبة كذا طيب وش يدرينا ويعرفنا ان هاذي العشبة هي اللي
نحن طالبينها بالإسم اما الشكل عمرنا ماشفناها

تقول العطار يعرفها ويفهم فيها لا انا ما اصدق العطارين ولا اثق في كلامهم لأن اغلبهم يهمهم الربح المادي وليس صحة الناس
يمكن يضحك عليك ويعطيك اي عشبة ويقول لك هاذي هي العشبة اللي انت طلبتها وهو يكذب عليك كل همه مايطلع الزبون من عنده الا وهو مشتري هاذا غير جهل العطارين انفسهم بالأعشاب اكثر العطارين مايفهمون في الأعشاب وفاتحين محلات العطارة للكسب المادي فقط لاغير والبعض يفهم في الأعشاب لاكن لو ما انوجد طلبك عنده وشافك جاهل ماتفهم في العشبة الا اسمها يقوم يعطيك عشبة من راسه وعلى كيفة ويقول لك هاذا طلبك
وكل همهم انهم يعبون جيوبهم بالفلوس ولاهمهم مصلحة الناس

طبعا القانون لايحمي المغفلين انت تروح وتشتري مثل هاذي الأعشاب وماتدري عن اضرارها ولاتدري هل هي نفس العشبة اللي انت تطلبها ولا غيرها اي شئ يصير لك ما فيه احد له دخل فيك انت جنيت على نفسك

والخلطات العشبية لها مضار وتناسب مع بعض الناس والبعض الآخر ماتناسب معاه
الحين كل بشرات النساء نوع واحد كل مشاكل النساء مشكلة واحدة
وكل شعر النساء نوع وشكل واحد لا ما اتوقع لكل بشرة ولكل نوع شعر خلطة خاصة فيه

الخلطات ماينفع ناخذها الا من شخص مختص في طب الأعشاب
طبعا توصف له الضرراللي تعاني منه وتوصف له نو ع الشعر او البشرة وهو يعطيك الوصفة المناسبة لحالتك

اما انك تاخذ خلطات وتستخدمها بدون استشارة او وصفة من شخص فاهم وعالم فيها هاذا شئ خطأ

بالنسبة لك يا اختي بقول لك عن الثوم هو زين لتساقط وانبات

الشعر انا عندي واحدة من جاراتي كانت تعاني تساقط شعرها

واخذت مجموعة من فصوص الثوم
وطحنتها جيدا ووضعتها في قنينة ماء وخلطتها بالماء وكانت تضع

من الماء هاذا كل ليلة في اليل والصباح تغسله بالماء والشامبو لمدة اسبوعين والحمدالله توقف عنها التساقط ونبت شعرها
وصار شكله حلو ماشاء الله تبارك الله

لاكن الثوم للي متزوجة مشكلة الرائحة تنفر الزو ج

يعني لازم تاخذين احتياطك لو بغيتي تحطين الثوم في شعرك.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله