رد : ما هو شعورك ليلة عرس طليقك أو طليقتك؟؟
كنوز.....
سؤالك ضرب عالوتر الحساس ذكرتيني بذيك الايام السوداااا اييييييه
أنا طليقي ملك بعد أسبوعين من الطلاق وتزوج بعد الملكة بأسبوع..
ويوم عرفت انه تملك كنت راح أموت وأضيع من يدين أهلي ....
تخيلي الشخص اللي كان قبل شهر لك ، راح لغيرك في غمضة عين....
تأثرت... والنوم طار... وما أنام الا بمهدئ لا وكمان نوم متقطع ومليان كوابيس.... واتخيلهم
مع بعض ... يضحكون ويلعبون ويطلعون....
ويوم تزوج فكرت نفس تفكيرك ؟ ياترى هي أحسن مني؟ ياترى راح يحبها ويتحسف
على الايام اللي قضاها معي، ياترى رح يسبني عندها، كيف رح يقضي يومه.. ياترى هم وش يسوون الحين ....
الخ الخ.... حتى أني ما تخيلت نفسي أتزوج غيره... وكرهت الرجال عقبه... لإحساسي ان ماراح احب غيره...
اكذب عليك اذا قلت ماتأثرت بس الحمد الله الحين غيررررر وين كنا وكيف صرنا...
وصرت على ثقة ان زوجته الجديدة مؤ أحسن مني بشي ....
وسامحته وصرت ادعي له بالتوفيق والسعادة مع اللي اختارها...
قلبي اطمئن ولا عاد يهمني ... صح يطرون على بالي أحيان... بس لحظة وأتعوذ من الشيطان
واكمل يومي بسعادة وتفاؤل....
والمؤمن كيس فطن... خلاص رجال مهب لي ليش افكر فيه... اللي صار صار
عشنا مع بعض مغامرة وتكللت بالفشل... والله يعوضنا وش نسوي نذبح عمارنا
ولا نترجاهم يعودون... عساهم مايعودون ....
الحياة قدامنا....
الان تغير كل شئ لدرجة أني صرت مستعدة نفسيًا للارتباط مرة ثانية....
وصاروا خواتي يسموني .. تمثال التفاؤل....
مفتاح نجاحي في تخطي الأزمة:
الرضا+ التفاؤل.....