بأعطيكم مثال قريب

أخوي حنون كان على امي من باب ( رحمة ) و إنها مسؤولة منه و كذا
لكن كان جدا يستغرب مني وقت كنت مسافرة بالخارج

ليييييش ابكي و أحن لأمي و اشتاق لها ؟
لدرجة مرات في اليوم الواحد اكلمها اكثر من مرة و انا برة
و مرات انزل بالاجازات على حسابي عشان امي

كان يقول لي، ليييييييش تتعبي حالك و تنزلي ؟
و الله لو مكانك ، ما أفكر انزل أبداً .. و ما يفهمني إذا قلت له عشان أمي ..

و نفس الشي زوجي، وقت كنا بالخارج ..
إذا قلت له بأنزل عشان أمي ، كان يقول ( انزلي لوحدك ، ما بغى أنزل )
إذا سألته ، ما تبغى تشوف أمك و أبوك ؟
يقول مو لازم ..

مع إنه ماشاء الله بار فيهم و ما يقصر بشي إذا طلبوا منه

.
.

لكن هذا مو هو طموحي بأولادي ..

دحين الكبير ماشاء الله، أحسه حنون علي و يسمع كلامي ..
هذا اللي يخليني أجلس أفكر مرات ؟
ممكن إنه يتغير لا سمح الله و يقسى قلبه بيوم ؟

.
.

الصراحة، أنا أمي الله يرحمها كانت مرة تحب الأولاد ..
فكنت دايم أعارضها بالفكرة ، و أعدد لها مزايا البنات و حسناتهم ..
عشان أثبت لنفسي و لها ( إنه البنات مو أقل من الأولاد ، و لا هما أفضل مننا ) ..

فيمكن هذا الشي أثر فيا ( بالعقل الباطن ) ؟

.
.

أتمنى أعكس الفكرة هذه بدماغي ..