ايوة يا اخي هذا ماصار ... بس زوجي ماكان مبين لي الصراحة
وانما حسيت .. بولدي الاول مزحت معاه وقلت انه معاي بنت
فاسكت و قال الحمدلله
ولما رجعت قلت له ولد .. حسيت الفرحة بعيونه

وبحملي الثاني جت البنوتة .. و كان عادي ماحسيت فيه الحماس
بس برضو ماا لمح بزعل .. بس احساس عندي انه يفضل الاولاد
وبعد ولدت اشوفه يتعلق فيها كل يوم زيادة
واصلا البنات بحركاتهم يعلقوا اللي حوليهم فيهم .. سبحان الله

وازيدك من الشعر بيت .. صديقتي نفس الشي و ربي رزقها بتوأم بنات
وتعال شوف ابوهم .. مايجلس الان الا و البنتين بحضنه.. كل وحدة على رجل
و طاير فيهم ربي يحميهم له

ابي الله يعطيه الصحة .. ماتهنا له القعدة الا و احنا البنات حوليه
وحدة على يمينه و الثانية على يساره و الثالثة تدلك رجوله
كان اذا رجع من الشغل .. نجري عليه (بس البنات )
اللي تجيب ثيابه و الي تناوله الشبشب و انت بكرامه
واللي تعلق برقبته الله يخليه لنا يارب و يطول بعمره

بينما اخوتي الاولاد اللي بغرفته يلعب العاب الكترونيةو الي بالشارع


خالي عنده 6 بنات ماشاء الله ,, وزي مانت عارف المجتمع
بيزنوا عليه عشان يتزوج الثانية و يجيب ولد
لكنه راافض و يقول بنااتي بالدنيا .. يموت عليهم و يموتوا عليه
لدرجة قبل مايجي من الشغل .. تلقى البنات كلهم (صغار .. اكبرهم عمرها 10 )
على طول يجروا يغيروا ملابسهم و يحطوا العطور و يرتبوا شعورهم
ليش ؟؟ قال عشان بابا يشوفنا حلوين ..

بحق والله البناااات نعمة .. دلال و حنااااان ..
اذا هم صغار ملؤ لك البيت ضحك و فرحة ووناسة بدلعهم و دلالهم (الولد مايتدلع

واذا كبروا .. تلاقهم بجانبك وقت الصحة ووقت المرض
وحتى اذا تزوجو يبقى تواصلهم معك ..شايلين همك و هم امهم
حتى لو بالتلفون .. عكس الولد اذا تزوج و كانت زوجته طيبة اتواصل مع اهله
واذا طلعت يعني ماعاد تشوفه الا بالمناسبات و يصير ولد اهلها هي ...


معليش طولت بردي عليك ..بس موضوعك مادري ليه يذكرني بالوالد و ذكرياتنا معاه ربي مايحرمنا منه
المهم ربي يقوم زوجتك بالسلامة و يجيب البنوتة بصحة و عافية
وان شاء الله بعد كم شهر .. تجي تكتب موضوع و تقول فيه انك ندمااااااااااااااااان على هذا الموضوع
الله يوفقكم و يسعدكم يارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله