المشاركة الأصلية كتبت بواسطة مشاري البدر
ربي يحفظكم ويرعاكم جميعا المتابعين والللي يردو على الموضوع .,,
اليوم كملت امي وابوي ووقلت لهم بس اكتشتف انهم حاسين فيني وقالو اللي يريحك سوه وانت ابوها وسمها ,, وقلت لهم وصلو لهم الخبر مع العلم اني خالي مسافر هو واهله وزوجتي معهم ,, بس ا حسيت ان ابوي مايحب يقول لهم وامي كذلك ليس خوفا ولكن يدارون الشعور وانا الحين توهقت مدري من اقول له لامها والا لابوها والا هي والمصيبه اليوم ترسل لي كلام حلو يعني ياناس المساله مو مساله اني رجل واتصرف وبطل ,, انا اول مره انحط بالموقف موقف صعب وللمعلوميه انا الوحيد اللي بالعايله اللي بطلق .. يعني حدث بيكون عليهم غريب شوي بس الحين ... انا عادي اقدر اتكلم واقول بس ياناس وربي وربي وربي وربي فيني رحمه لها ,, مدري كيف ابدا وبالي مشغول .. فاللي يقولون رجال وشورك بيدك هذا الامر مايبي له قوه وعنف واثبات رجوله الحمد لله انا رجل ولا فيه شك واعرف وقت المراجل متى يكون ,, بس موقف زي كذا اسمه طلاق يعني انفصال؟ ,, وانا انسان مابي اشطح بالموضوع فجأه لذلك انا مدري هل انتظر لين يجون من السفر والا اكلمهم؟ والا كيف بصراحه احترت واسف والله اشغلتكم معي بس والله انكم شلتي عني هم كبير بردودكم ...
|