رد : طبيعة التواصل في فترة الملكة، وتساؤلات لاتنتهي!
مبروك اولا والله يجمع بينكم بالخير ويجعلكم سكنا لبعضكم ويقيكم شر الفتن ما ظهر منها وما بطن
قلت انك تتصرف على طبيعتك
خلك على ما انت عليه
ولا تجهد نفسك بالتفكير
ودام ان العقد انكتب ليش ما تزورها الان والثانيه تكون زياره وداعيه
لا تتأثر بالمشاكل اللي تسمعها او تقراها
ولا تنسى نحن نسمع من طرف واحد ومع شوي وسوسات شيطانيه بسبب الزعل و يكون الطرف الثاني ظالم ووووووو
في الصوره والحقيقه هو مظلوم
ليس الكل طبعا
لكن ما اعنيه هو ان لا تتأثر بغيرك
لكل تفكيره وعالمه ومحيطه والقائمة تطول
الهديه اقترح باقة ورد احمر وكرت فيه كلام حلو وحته كلمه او كلمتين كافيه
وعلبه شوكولا واقترح حوض سمك صغير
شكله حلو فيه سمكتين ^_^
واذا ما عجبتك فكرتي عادي
لكن انا ما احب اول هديه تكون شي مادي بحت
(وجهة نظري )احس السمك له معنى حلو وكل ما تشوفه وتعتني فيه تسرح بخيالها
واهم شي التفاهم واتفقو عالتسامح يكون عنوان زواجكم والقلب النظيف لان الحقد يمرض هالعلاقه ويحبطها
واذا صار وتخالفتو بالراي لا قدر الله
اما غيرو الموضوع لموضوع آخر
او انهي المكالمه بطريقة حلوه وقولها بعد ما نهدى ان شاء الله نرجع نتناقش
هذا اهم شي التسامح وعدم النقاش وقت الغضب
والله يسخرلكم الخير ويرزقكم من فضله
وآسفه للاطاله