ماتوقع راح تعجبك الردود بس تحملينا لانا راح نعتبرك اخت لنا
[UOTE=اعاند جرووحي;2807576]السلام عليكم ورحمة الله وبركاته
بدخل بالموضوع على طول ويارب تلاقون لي حل
مطلقه وعمري 24 وعندي بنت,,متعرفه على شاب عمره 27 او 28 ,
لنا 3سنوات مع بعض وطول هالسنوات كانت سوالفنا بيبي ومسنجر تونا من كم شهر بدينا مكالمات بالجوال
الرجال محترم واخلاق عاليه ومحافظ على صلات وبار باامه وابوه كثير ماشاءالله عليه
وش دراك انه محافظ على صلاته وانه بار بوالديه وانه محترم وانه اخلاق عاليه؟
هو قالك !
لاتصدقينه ياكثر المهايط بهالسوالف
,,هو يحبني من زمان وانا ماكنت ادري صارحني في رمضان السنه الي راحت ,وهو ماكان يدري اني مطلقه,وفي العيد طلب انه يتقدم لي بس ماعطيته رايي وسكرت الموضوع,واحترم رغبتي
يمكن يحب يسمع صوتك وهمساتك بأذنه بس ماتوقع يحبك كزوجه وام لأبنائه !
ومن شهرين رجع وفتح لي الموضوع وطلبه من جديد ,كنت كل مره يطلبه اتحجج بااي شي والله الشاهد اني مانويت اعلقه فيني من البدايه بس كنت على نياتي معاه اسولف وكل شي طبيعي
وشو الطبيعي بنظرك همسات وضحكات لشخص اجنبي عنك ترضينها لواحد من اخوانك!
ولا لايكون كلام رسمي بشغل معين الله يهديك بس
,لمن حسيت انه مصرر ويعيد ويزيد في الطلب صارحته وقلتله عن وضعي,تفاجأ كثير اني خبيت عنه طول هالوقت,وبعدين تقبل الفكره وقالي انا شاريك وابيك وهالشي مايعيبك,, مع العلم انه ما سبق له وتزوج
طيب مو هنا المشكله المشكله بينا فروق وهالشي صعب في مجتمعي انا,,انا سمرا وهو ابيض صحيح لوني فاتح كثير بس اهلي مستحيل يوافقون عليه,,
على كبر المشكله ماجا فبالك الا بياضه وسمارك وان اهلك ماراح يرضون لهذا السبب
انا متردده كثير ومتخوفه من الزواج والتجربه الثانيه اخاف من الفشل ومابي اعيد التجربه بشي مايوافق عاداتنا عشان ما اللوم نفسي بالاخير,,
مابني على باطل فهو باطل ياعزيزتي
من البدايه عطيتيه مواصفات غير مواصفاتك وماقلتي له انك مطلقه وعندك بنت
حطي فبالك ممكن يبغى عنوانك حتى يرسل اي دليل على مكالماتك له حتى يجبرك او يجبر اهلك بالزواج منك
على اقل مصاريف وممكن بأي لحظه يرميك ويقول بصراحه مالي ثقه فيك
لانك بكل بساطه كنتي تكلميني وانا اجنبي عنك وممكن تكلمين عشره غيري
انا واثقه فيه كثيييير وواثقه انه راح يسعدني بس خايفه كل شي يتغير بعد الزواج ,
من وين جاتك هالثقه !
حطي فبالك الزواج غيـــــــــــر وراح تفتحين على نفسك ابواب جهنم لو تزوجتيه
الا اذا كان هو غير عن عيال القبايل اللي نعرفها
تخيلي انك تزوجتيه وشلون بتكون حياتك
بتكون كلها شك وغيره على اتفه الاسباب
هو اليوم طلب انه يجي هالاسبوع يخطب خفت وقلتله خلها الاسبوع الجاي لازم نرتب صح للموضوع قالي طيب الاسبوع الجاي تعطيني العنوان,,ابي حل وابي رايكم والله تلفت اعصابي من التفكير بمجرد ما افكر فيه يجيني مغص وش اسوي وش اقول لاهلي مستحيل افاتحهم بالموضوع ابيه يجي يخطب بدون مايعرفون مني شي,,
ريحوني الله يوفقكم..[/QUOTE]
بكمل لك وجهة نظري وبعدين اعطيك الحلول
لو اني مكانك والله لايحطني
مستحيـــــــــــــــل اتزوج شخص تعرفت عليه وكلمته حتى لو حلف لي مليوووووون واثبت لي كل الاثباتات
انه مناسب لي وانه كفو
مستحيل ينسى طريقة التعارف المخزيه
اما من ناحية الحلول ياكثرها
ممكن تتعرفين على وحده من اخواته
ويجي يخطبك على انك زميلة اخته او خالته او عمته او اي حاجه
وقبل تتم الموافقه عليه خلي اهلك يسألون عنه كويس
والله يكتب لك اللي فيه الخير
مع ان فيه مثل يقول
ابعد عن الشر وغني له
همسة
--------------------------------------------------------------------------------
قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )
هذا كلام الله تعالى الذي لايأتيه الباطل من بين يديه ولا من خلفه وليس قول أحد من البشر، وهو سبحانه وتعالى إذا قال فإن قوله الحق. هذه الآية العظيمة جاءت على سياق شرطي فعل شرط وجواب شرط: من يتق الله يكون جزاؤه أن يجعل الله له مخرجاً وأيضاً يرزقه من حيث لايعلم ولايحتسب. فمتى ماتحقق فعل الشرط وهو التقوى تحقق جوابه وجزاؤه. وياله من جزاء عظيم ومكسب كبير ولكن كيف الطريق إلى التقوى أيها الأخوة؟ بل ماهي التقوى أولاً؟ إنها بعبارة مختصرة : كلمة جامعة لكل خير، هي امتثال أوامر الله واجتناب نواهيه والوقوف عند حدوده. لذا كانت التقوى هي وصية الله للأولين والآخرين ووصية كل رسول لقومه إن اتقوا الله لأن فيها السعادة في الدنيا والآخرة وفيها النجاة والمخرج من الشدائد والأزمات.
أوصى النبي صلى الله عليه وسلم بها الصحابي الجليل أبا ذر رضي الله عنه فقال له:" اتق الله حيثما كنت وأتبع السيئة الحسنة تمحها وخالق الناس بخلق حسن". والتقوى لاتتقيد بمكان ولازمان ولكن المحك الحقيقي لها في الخلوات فالتقي هو من يصرف بصره عن الحرام ولو لم يره أحد والتقي من يتعفف عن أكل الحرام ولو لم يطلع عليه أحد لأنه يعلم علم اليقين أن الله يراه ولأن مراقبة الله وتقوى الله حاضرة في ذهنه في كل حين . والتقوى موضعها القلب يقول صلى الله عليه وسلم: التقوى هاهنا ويشير إلى صدره" وتظهر آثارها على الجوارح بعمل الطاعات وإجتناب المحرمات.