رد : بابا المستشار
السلام عليكم بابا شحالك
يا بابا ليش ما ترد عليا , خالد صار كل ما يتكلم وياي يهددني كرهت أنه يالس بالبيت صار كل ما يدخل جناحي من عند الباب يقولي تكلمي بادب ولا بواريج , أبوي كان ما يرفع صوته يوم يسولف وياي هو بالعكس يقولي بسويلج غسيل مخ من كل شيء يخص أبوج انتي صرتي زوجتي , انا والله يا بابا ما أرد عليه ولا بكلمه أتركه يسولف ويا روحه حتى منعني أسير بيت أبوي وما تكلمت ولا خبرت أبوي تدري يا بابا هو مب راضي يفهمني يا بابا صرت أرقد وايد بس عشان ما أفكر بشيء صرت أصيح وايد هو مب راضي يسمعني يقول أنتي ياهل وتدلعين , البارحه يلس صارخ ويقولي ليش ما تكتبين بالعام مثلي ما انا اكتب وكل الحريم يكتبون يا بابا انا مابي أكتب هني شيء مابي هو مب راضي يفهم صرت اخاف أكتب شيء منه عشان جذي انا ما راح اكتب شيء واسفه اذا غلط بشيء عليك اسفه يا بابا .