الحمدالله زوجي مايقصر في من هاذي الناحية يضبط الفطور والغداء والعشاء عنده عادي وممتع الطبخ بالنسبة له وبعض الأوقات يكون موجود في البيت على طول يضبط الغداء بنفسة ويوم الخميس بالذات والله اني ما اعرف المطبخ ماشاء الله عليه يصحى بدري حدود 10 ونص الصباح ويبتدي يضبط في الغداء وما يأذن لظهر الا وكل شئ جاهز ونصلي ونتغدى بعض الأوقات تصحيني الريحة الصباح الساعة 8 لو طبخ بيض مقلي او مع طماطم ريحتها تكتم في البيت واصحى الاقيه مضبط احلى سفرة ولما اتوحم ما ادخل المطبخ خير شر زوجي يطبخ والا يجيب اكل جاهز من برى والحين الدور على العيال ادربهم على شغل المطبخ سلق وقلي بيض طبخ اندومي او مكرونه وما شاء الله فالحين بس عندي واحد من اولادي لو تزوج شكله بيغدي زوجته بيض ويعشيها بيض احس انه ماضبطت معاه الا شغلة البيض
لاكن الرجال لو دخلوا المطبخ يحوسونه حوس الاقي السكاكين مكان الملاعق والكبيرة مع الصغيرة والا مخبص لي في دولاب المطبخ بس وش اسوي ارجع انظم وارتب الأشياء من جديد

لاكن زوجي ماشاء الله عليه شيف في الطبخ رقم واحد ولو مدحته في اكله الاقيه اليوم الثاني مرتز في المطبخ ويطبخ وكل مامدحناه واثنينا عليه يزيد حماسه بزياده

لا وبعد تراوده فكرة يفتتح مطعم بعد ما يتقاعد

وشكله بيشتغل طباخ هو وعياله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله