السلام عليكم ورحمة الله وبركاته
انا عضوه جديده اشتركت بدون تردد عشان استشيركم بمشكلتي
راح اكلمكم عن نفسي عشان توضح الصوره انا متزوجه من 4 سنوات تقريبا ولدي طفل عمري 21
كنت من صغر سني رومانسيه واعرف الحب واحس فيه هاديه خجوله يمكن تقولون كيف صغيره وربي من عمري 8 سنوات وانا انبسط لما اشوف اثنين يحبون بعض او اسمع عن قصة حب كبرت وصرت بسن المراهقه وتعبني هالشي حبيت شخص من كثر ماسمعت المدح عليه انا قلت هذي فتره مراهقه وتعدي لكن الان تعديت هالمرحله وصرت ام ومازلت احتاج للحب الي مالقيته مع زوجي للاسف
ارجع للشخص اللي حبيته انا اعرفه من بعيد وكنت اتمنى يكون من نصيبي لكن خطبني زوجي وماانكر انبسطت لاني وقتها كنت طفله وكان كل تفكيري اني راح البس فستان ابيض واكون ملكه وراح يحبني زوجي ويدللني مثل ماابي لكن الصدمه ياناس طلع غييييييير وربي انصدمت من تعامله معي بالرغم انه يقول انه يحبني لكن والله عاانيت انا واهلي منه ببداية زواجنا وصارت مشاكل كثيره ووصلت للطلاق لكن اهلي مايفضلون الطلاق ابدا ويعتبرونه شي كبير صبرت عليه تعدل وضعنا شوي خصوصا بعد ماحملت وانجبت لكن انا رغم صبري عليه الا اني مااحس باي شعور تجاهه مااحبه اجامله دائما عشان مااخسر حياتي ابغا حياتي تمشي بهدوووء وعشان طفلي
والله ياجماعه اني عايشه بكذبه كبيره وهي اني احب زوجي وانا والله مااحبه لما اشوف صديقاتي وكل وحده تموووت اذا غاب عنها زوجها وربي انقهر انا ليش كذا المهم رضيت بالامر الواقع وقلت هذا نصيبي ولازم اجامل
لكن بالرغم اني صابره عليه واجامله الا انه مو مساعدني ابدا يعاملني بجفا الكلمه الحلووه ماتطلع منه بخيل معي ويستكثر علي اي شي انا مو صعبه انا لو لقيت منه معامله افضل ماكان كرهته حتى لما يزعل يكبر المشكله ومايعرف يعتذر او يشتاق لااا يعرف يحطمني ويذلني
والحين لي شهر تاركني عند اهلي مو لان فيه مشكله لا يسافر ويطلع بر ويونس روحه وعايش حياته كانه عزوبي
حتى سفرته الاخيره راح وهو ماققال لي او حتى ترك لي مصروف لي ولطفلي ليش لانه صار بيني وبينه مشكله بسيييييييييطه وتافهه مااحب اذكرها لسخافتها
الشخص الي انا احبه توني اعرف من فتره بسيطه انه كان ناوي يخطبني قبل اتزوج لاتسالوني عن شعوري لما عرفت لانه لايوصف
انا حضرت زواج اخته وشفته هناك والله عرفته مع ان شكله متغييييير كثير انسان هادي خلوق طيب حبيته ياناس اكثر واكثر
بعد الحفله تنكدت وانقهرت لكن صبرت
رحت للسوق ثاني يوم من الحفله ودعيت ربي اني اشوفه والله شفته بمحل وعيني بعينه وكان شكله متغير بس سالت اخوي وقلت هذا فلان قال ايه
رجعت للبيت بسعااااده لاتوصف يمكن تنتقدوني على اللي بقوله لكن الي جرب الحب بيفهمني انا باختصاااار عاااشقه وربي مو بيدي انا ماني ساقطه ولا اخلاقي سيئه انا متربيه واخاف من ربي لكن قلبي مو بيدي
ادري طولت بس عشان تفهموني
انا الحين ابحث عن رقمه افكر ارسل له واوصل له حبي ادري انه غلط لكن تعبت تعبت تعبت زوجي الي صبرت عليه وجاملته جاني كلام من ناس انه ناوي يتزوج بس مو الحين على كبر طيب ليييش انا شسويت فيه وربي مو مقصره معه بشي وربي الشاهد والله اني مااستاهله انا جميله والكل يشهد هاديه خجوله اخلاقي هي سبب مدح العيله لي ومع ذلك مابين بعينه
يمكن تقولون هذي خيانه بس انا ماراح اكلمه او اقابله لاااا بس ابي اوصله حبي ابيه جنبي ابي يكون قريب مني والله لواتاكد انه ممكن يتزوجني كان اتطلقت واتزوجته
لكن الخوف ملازمني اخاف من ردة فعله واخاف من النتيجه
اخاف من ربي يبتليني اخاف من شي يحصل بعدين
ادري الكل بيعارضني لكن انا تعبت من حياتي وتعبت من زوجي احس الحين ماعاد فيني صبر مثل اول احس اني مكسوره جالسه عند اهلي مايسال عني
والحين كرهته اكثر واكثر مستحيل اعيش معه طول العمر احس بيجي يوم ويتركني
ارجوووكم ساعدوني ابغا راي الرجال بهالموضوع لو كلمتك حبيبتك وقالت لك عن حبها لك ايش ردة فعلك
والله الحب بلووووه ومرض مايحس فيني الا اللي حب بصدق