انا مع كلام الاخ فيصل*

ونسبه العنوسه مخيفه جدا وللاسف هذا الي صاير*

بالنسبه للاخت الافضل لها ترجع مع التشديد على موضوع الصلاه*

ونصيحه الان عمرك 21 اصبري شوي تشوفين وصلتي 30 الدنيا تمشي بسرعه*

والاخوات جمانه ومس داني*

كلامكم غير واقعي للاسف هالزمن كثييير الرجال غير الصالحين وتنصحه وتصبر معه افضل من تختار الطلاق*

وش يضمن تتزوج الي يصلي وافضل *والغالب الي تطلق ماتتزوج افضل من الاول لو كان افضل راح يكون معدد والزواج من معدد مو اهو الطرف الوحيد لنجاحه*

ومس داني تقول تتزوج معدد صالح من قال الحين المعدد يصبر لو كان ملتزم اكثرها شهرين ويطلق

الحياه والتزاماتها وصعوبتها ماتسمح للرجال يفتح اكثر من بيت وبعضهم يصبر سنتين بعدين يطلق

ترجع للمعدد الي اول فرحتها واهي اول فرحته وتحبه وتكمل مع حياتها بدل تجرب غيره*

وحتى الزواج من معدد غير مضمون البنات الان اعرفهم في العشرينات وعادي عندهم تتزوج معدد تقول الي اعيش ابي رجال في حياتي*
حتى انا اتناقش معهم يقولون لا يعني احنا محتاجين للرجال وهم بنات وفي اول العشرينات
هالزمن زمن فتن مو مثل اول مو جسديا فقط حتى عاطفيا وهم بنات كيف المطلقه
ولا احد ينكر المرأة تميل للرجال مثل مايميل لها*
والزواج صار صعب والعكس الخراب والصايعه اسهل منها مافيه وش احسن تروح للحلال وتحاول تصلحه او تجلس في قائمه الانتظار مهما يكون النفس ضعيفه*

والاخوات الي يتكلمون انتو ماشاءالله عندكم عيالكم وازواجكم وطبيعي جدا ماتفكرون في حال الي ماعندهم*

مو مثل الي ماعندنا لا عيال ولا زوج صح الاهل غالبا مايقصرون لكن نفسيا المرأة تميل للاسره*

مو احنا عشان سعوديا لا فيه برنامج وثائقي في التلفزيون النساء وهل تطمحين تكونين اسره طبعا جنسيات مختلفه ونساء كل طموحهم اسره وزوج واطفال وكانو الي في التقرير طبيبات وحريه وتقدر تقيم علاقات لكن تضل مرأة مهما وصلت اجمل جو لها هو جو العائله والاطفال*

والعجيب كانو نساء من اليابان طبعا عندهم خيارين للمرأة ياتعمل ياتتزوج*
وكانت المديرة تسأل الطالبات ممن منكن تريد الزواج ومن تريد الوظيفه الغالب رفعت يدها تريد الزواج*
شوفي وين في اليابان*


صدقيني على قولت المصريات ظل راقل ولا ظل حيط لو معدد يكفي عندك بيتك وسبب تنجبين وتعيشين الامومه ويكون لك اطفال*

والزواج نعمه لا على الرجال ولا على المرأة وسبب قوي لسعاده الدنيا او هو سعادة الدنيا*

بعد الرجال لين تزوج وطلع عنده حرمه تهتم فيه وتسمعه الكلمه الحلوه *وعيال مو مثل الي متبهذل*
وفي القران*
(( وَلْيَسْتَعْفِفِ الَّذِينَ لا يَجِدُونَ نِكَاحاً حَتَّى يُغْنِيَهُمُ اللَّهُ مِنْ فَضْلِهِ ))

وسبحان الله هاذي الفطره *الكل محتاج للطرف الاخر*

واي رجال واي مراة توفقو في زواجهم نعمه وهذا فضل من الله ونعمه مايصونها الا الشكر لله تعالى*

__________________