خلاص قسم بالله عارفين ان الراتب حق الزوجة

وان الرجل ملزم يصرف عليها حتى لو عندها راتب

لكن اذا تبين الوظيفة تحملي تبعات الوظيفة

دبري لك سائق يوديك ويجيبك قطة مع صديقة لك او صديقتين بالعمل منازلكم قريبه وتحملوا تكلفة السائق

اذا رجعتي لبيتك لاترسلين رسالة لزوجك تقولين انا تعبانه جب معك غداء وتكبرين الوسادة وتنامين وتصحين على جية زوجك من الدوام

لاتطلبين منه يسدد اجرة السائق الخاص اللي يوديك لعملك ويرجعك وتستلمين راتب كامل حلال لك وتقولين ملزوم فيني لا مو ملزوم يسدد اجرة السائق علشان تروحين تاخذين راتب وتحطينه بجيبك وهو بس يدفع ويصبر

لا تطلبين خدامة وتقولين جب لنا خدامه علشان تساعدني بشغل البيت ( والاصل انها ستقوم بكل شغل البيت ) وانتي بس نوم وشخير واكل من المطاعم والملابس عند المغسلة وتقولين انت ملزوم تجيب خدامة لي ادفع التأشيرة وادفع راتبها لا ليس ملزوم

اذا الزوج سوا لك كل هالأشياء اللي فوق جاب لك سواق + جاب لك خدامه + ما يلمس راتبك

وبعد كل هذا تقولين له بكل بجاحة يابو فلان ترا انت ماعاد عطيتني مصروف انت ملزوم تصرف علي

وش نقول عن هالزوجة ووش ننصح هالزوج انه يسوي

انا انصح كل زوج قبل يوافق على الزواج من موظفة او يوافق على ان زوجة تتوظف يكتب عليها ضمانات انها ما تقصر بحقوق البيت ولو قصرت تترك الوظيفة ويخليها توقع وتبصم