راتب الزوجة لمن ؟

طبعا لها تعبها وشقى عمرها ما احد ذاكر لها ولا احد سهر معاها ولا احد تحمل تعبها وهي تدرس وتجتهد
وما فيه احد بينفعها لو اصيبت بهشاشة العظام والضغط والسكر والغدة وهيه تكرف في وظيفتها

اول واحد بيتركها ويتخلى عنها هو زوجها لا تقولون لا الا صدق وحقيقة
والحمدالله والشكر انا لست موظفة ولو صار وتوظفت بالرغم من طيبة ابو العيال معاية وكرمه ولطفه الا إني ماراح اعطيه ولا
ولا ريال الا سلف ويردها لي مع الراتب ويحمد ربه ويبوس ايده وجه وقفى
انا بعت ذهبي وساهمت معاه في بناء بيت قام سجل البيت بإسمي علشان اني ساعدته فيه بالبداية رفضت بس رجعت قلبتها
في راسي وقلت يابنت الدنيا هاذي يوم لك ويوم عليك ويوم الله يكفيك شره فخلينا نحطاط احسن وقبلت بالبيت والحين يعطيني مصروف واوفر منه وادخل جمعيات مع بنات واحطها بحسابي
وهو مايدري كم عندي في الحساب لو احتاج اعطيه سلف
لاكن يوم 25 بالشهر الساعة 1 باليل تلاقيني على الهاتف المصرفي استرد السلفه من راتبه علشان اني عارفة انه لو ما اخذتها من بدري بيطلع لها الف مشروع

وانا عندي مبدأ كلوا واشربوا وعلى الحق إحتسبوا

وزوجي طيب ومايقصر معاي ولا يحاسب لاكن انا عكسه احسب

الريال قبل الألف .

وانا لاحظت ان المشكلة في راتب الزوجة مو زوج المرأة الموظفة وبس لا بل احيان يكون زوجها مايدور بعد راتبها ولايفكر فيه

بس تلاقي من يحفر ويحفر ورى هالزوج زوجتك كم راتبها وليش ماتساعدك وليش انت ساكت لها المفروض تعطيك وتعطيك انت اولى براتبها من غيرك طبعا اللي يحفرون معظمهم من اهل الزوج او الأصدقاء ويجلسون يعبون في راس الزوج على زوجته

حتى الفكرة خلاص تترسخ براسه ويبتدي في اختلاق المشاكل مع زوجته حتى يطفشها اما كذا ولا كذا

لاكن افضل شئ ان المرأة اللي موظفة وتتزوج تشرط بعقد الزواج

اول شرط راتبها لها وماله دخل فيه
ثاني شرط وظيفتها مايمنعها عنها
طبعا بعض الأزواج يلوي ذراع زوجته يوافق على راتبها لها ولو ما اعطته الراتب يقوم يطالبها بترك وظيفتها بحجة انها مقصرة معاه
فالأفضل انها تقفل عليه كل البابين

وتحشره حشره مرتبه علشان مايناظر لراتبها ولا يفتح آذانه لكلام اللي حوله

والزوج العاقل لو فكر زين وتأنى في تفكيره لا وجد ان كل قرش تجمعه زوجته وكل مشروع تدخل في زوجته بيرجع بالنفع عليه وعلى اولاده الحين المرأة الموظفة لمين تجمع وتشقى وتتعب مو علشان اولادها من اللي بيورثها بعد عمر طويل
في النهاية مثل ما انت تجمع وتشقى علشان اولادك هيه كمان مثلك نفس الغاية ونفس الهدف والطموح فليش المشاكل والبهذله على وسخ دنيا الواحد يحط هدفه تربية اولاده ويعيشهم عيشة رفاهية وراحة ما يخليهم يحتاجون لأي شخص من بعده طبعا بتعاونه وتخطيطه للمستقبل مع زوجته وام اولاده*

مو يحط هدفه صرافة زوجته وكم رصيدها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله