والله شوفوا

انا زوجتي اول ما تزوجتها كانت في الجامعة وكنت اوديها وارجعها للبيت بنفسي سنة كامله الصبح 6 ونص اوديها وارجعها الظهر وارجع للدوام وارجع البيت العصر الى ما تخرجت وقفت معاها مع انها كانت طفشانه وتبي تبطل

توظفت على بند مقر عملها في شمال الرياض وانا اداوم في شركة عند ارامكوا طريق الخرج وساكنين في غرب الرياض

اول اصحى 9 الصبح واروح الدوام واطلع 5 العصر

لما داومت على بند بعقد 6 شهور صرت اصحى علشان خاطرها من 6 ونص علشان اوديها لعملها ثم ارجع لدوامي بآخر الدنيا

ثم ترجع مع سواق اهلها للبيت لأني ما اقدر اطلع ارجعها ولو اقدر ماقالت بريح زوجي ما يصير اطلعه من دوامه بآخر الدنيا يرجعني يكفي وداني لا لا على قولة بعض الحريم نتفيه نتفي ريشه تنتييييييييييييف بس لأن الادارة تغيرت وماعاد يسمحون بالطلعات الظهر بلا زوجتي بلا عيالي جب لهم سواق

وتطلب سواق

بالعقل 6 شهور تداومين ماخذت منك ريال واحد + مصروفك ماشي + ماتدفعين ريال في مسؤولية الأولاد + ماتدفعين ريال في مصاريف البيت + الطبخ يومين بالأسبوع و5 أيام اكل من برا + صابر ومحتسب علشان هالأطفال مابي أشتتهم .

طيب الآن زوجتي الكريمة ترسمت وبتداوم بعد شهر اتوقع مع الترسيم الأأخير

اللي يقولون هي مو ملزومه تأدي خدمات متعارف عليها بالمجتمع والطبخ والتنظيف مو واجبه ومحل خلاف ( انا معاكم ) وموافق

لكن انا ايضاً لست بملزوم أني اوديها تدبر لها سواق او خلها تغيب الى ما تنفصل

المشكلة النساء ناقصات عقل اقول لزوجتي تعبت من هالمشاوير والله مافيني حيل وندور لها على سواق

جابت لي رقم تلفون تقول هذا سواق يودي بنات كلمته الا وطلع من الجنسية الشادية

قابلته الا ماعجبني شكله كأنه حق مخدرات وصرفته قلت لا خلاص بنجيب سائق خاص

زعلت المدام وتهاوش وترفع صوتها ما ادري شلون لحقني وعرف بيتنا يومين الا وهو طاب علينا بالبيت لقيناه بالحوش وانحاش

بالله هل من المعقول ارسل زوجتي مع سائق غريب منزل اعلان بصفحة معلقها في كل شارع ؟؟؟؟

لو اطعت زوجتي يومها وطلع بها على شمال الرياض وصد فيها واغتصبها من الملام ؟؟؟ اكيد انا ليه تخليها تروح معاه

خلاص نصبر ونتحمل ونحتسب الأجر من رب العالمين

مانبي غدا ولا نبي تنظيف بيت << اصلا العزوبي هذا حاله وعادي ينام لو على الارض ماتفرق معانا

مانبي غسيل ملابس الله يخلي المغاسل <<<< نفس الشئ عزوبي

مانبي من رواتبكم شئ <<< الله يخليها لكم ويزيدها وتصيرين مليونيره ماتفرق مانبي منكم ريال

مانبي الا شئ واحد فلذات اكبادنا اللي اذا رجعنا من العمل يستقبلونك عند باب الدرج يناقزون بابا جا بابا جا

هذي تسوى الدنيا كلها طبعاً بس الأطفال يستقبلون ابوهم الأم جالسة عند التلفزيون تتفرج على فاطمة او الأوراق المتساقطة

ولازم انت تمر عليها تسلم ولو ما جيت تسلم ورحت الغرفة تبدل على طول ياويلك انت ما تحبني انت تغيرت وانت مدري وش فيك

الله يصبرنا على ما ابتلانا لأجل عين تكرم مدينة