المشاركة الأصلية كتبت بواسطة عاشق الجواهر

والله وانا اخوك حريم واجد يرفسون النعمه

بصراحة توقعت سبب الزعل انك رحت وتركتها الحالها بالفندق ههههههههههه كم ساعة

شف وانا اخوك انت دلعتها حيل وهذي نفس غلطتي من بداية زواجي لكن يمديك تعدل الأمور

مو مشكله اذا غلطت تعتذر وتراضيها كلنا نسوي هالشئ حتى لو ما اعتذرنا لهم نحجز بمطعم ونتعشى والليل يشطب على باقي الزعل وينهيه

انا رأيي تسحب وتتركها عند اهلها تتأدب خلها تفهم انك طفشت من هالحركات النص كم لأتفه شئ تزعل ؟؟

ياخوي سافرتوا وبآخر السفرة زعلت علشان مكان ماراحت له ؟؟ بدال اتستانس انها اسبوع تتمشى بآخر يوم تزعل ولا تتذكر الاسبوع كامل ؟؟؟

خلها المرأه يأدبها جلستها عند اهلها خصوصاً انك ماغلطت ولا يستاهل الزعل

خلا تسير مع اهلها وتزور قرايبها المتزوجات وتشوف الحريم كل وحده زوجها ياخذها وتنام ببيتها مع رجلها

وهي ترجع مع اهلها وتنام بغرفتها القديمة

تبدأ تقلب السالفة براسها بالليل والله ماتنام <<< وتذكر كلمتي

توسوس شكله ماعاد يبيني طفش مني يمكن يطلقني والله ماتسوى اروح لأهلي علشان مكان ماوداني له

والله ان تغلي حتى لو تكابر واهلها بيسألونها وش صاير ؟؟ احتمال ماتقولهم واحتمال تقولهم

اذا عندكم عيال وفر اغراض العيال وخلها ولا تسأل

اذا ارسلت رد على قد الرسالة

ليه تتركني كم يوم ماتسأل <<< انتي اللي تزعلين على شئ تافه والتزم بموقفك ولا تلين بكم دمعه

الشئ هذا نفع معي 20 يوم عند اهلها وانضبطت بعدها قلبي يتقطع على ولدي بس تحملت

اودي حفايظ واحط مصروف وامشي

اذا كلمك ابوها عاادي اختصار للوقت هذا كله قله على كل شئ

قله اسباب تافه ماعاد تكلمني بجلس اطارد وراها اراضيها على اننا مانبي نروح للمكان الفلاني ؟؟ ولا اني ماشريت لها الأثاث الفلاني تجلس يومين ماتكلمني خير ؟؟؟؟

خل ابوها يكلمها عقب كلامك ويقولها تبين تتطلقين على هالسخافه ؟؟ اعقلي

خله يعقلها

اما اذا اهلها من النوع اللي مايتدخل الا بالأزمات الحادة خلها بينك وبينها وخلها تتوب

كلنا نحب زوجاتنا وعيالنا بس علشان تعدل الامور لازم تشد شوي فكر بكرة الى متى بتتحمل هالوضع ؟؟

والله بتطفش وتنفجر حل الموضوع من الآن لا تنضغط وتنضغط وتنضغط ثم تنفجر

هذا رأيي ورأي زوجتي تقول اكثر شئ يعور قلب المرأه انها تشوف قريباتها يرجعون مع ازواجهم مبسوطين وهي ترجع مع اهلها

اذا كان زوجها حبيب بتندم وماتصبر اسبوع تتعدل ^_^

تحياتي