رد : اريد توجيها
كل المعاني
مافهمت طريقة الفيلا إلي أنتم فيها بس شكلكم ببيت واحد ساكنين مو كل واحد مستقل بنفسه
شوفي ياقلبي:
مدام أنتم بسكن واحد غير مفصول ومافي باب يعزلك عنهم راح تكوني مضطرة للتعايش معهم وتحملهم
إرضاء لزوجك:
*مثلاً تحملي مسألة الصغار وصعودهم بأرجلهم المتسخه على السرير
وتقدرين تتفادي هالمشكلة بوضع شيء تمسح الطفلة عليه أرجلها قبل صعودها للسرير
*وزوجك ياغالية صادق في أنهم صغار وأولاد أخوه وماشاء الله يحب الأجر وقلبه طيب
فكوني عون له على الخير وتعاوني معه وتعالي على نفسك وش تسوي إذا أمهم قليلة ذوق
وحابه يبدأ الشر منك وبكره يتهمونك بتفريق الأخوة
*وشخصيتها المستفزة ممكن تخليها تعمل لصالحك بدون ماتحس
هي ترسلهم لك وتخليهم عندك وقت طويل تبغاك تتضايق منهم وتفتعلي المشاكل ويكرهك زوجك
وأخوه لأنها شايفه أحترام زوجها لك
فلذلك سوي عكس توقعاتها تماماً:
أحسني معاملتك للبنات وجيبي لهم الهدايا وزيدي جرعة الحنان والقبول لهم
راح يبدأو البنات يتحدثوا عنك بإستمرار وزوجها راح يثني عليك وراح تحس بالخطر والغيرة
وراح تسحب هي بنفسها البنات من عندك وتبعدهم عنك لأنها لن ترضى بأن تكوني بنظر زوجها
وبناتها الأفضل
ودائماً:
رددي (اللهم أكفينيها بماشئت))