رد : كيف نقلل من المهملات ..ونستفيد منها ..؟؟
نتكلم الان عن النعمه..
راح اتكلم بصفه عامه ..لاني والحمد لله قدام بيتي كله ارض فاضيه ..
متى ماتجمع لي حبتين نعمه ..حطيتها بكيس وناديت احد من عيالي وعالارض ..
هذا لو كانت غير قابله للاستعمال الادمي ..
ولو كانت قابله للاستعمال الادمي ..للسواق على طوووووول ..
ولو كان السواق مايبيها او ماتعجبه هالاكله ..اعطيه عمال المحطه وانا طالعه ..
اما كيفيه تجميع النعمه ..شريت سطل بلاستيك بغطا ..متوسط الحجم وعطيته جمبي عالمجلى ..ولبسته كيس بلاستيك ..
لسهولة تجميع النعمه فيه ..
وسهوله التنظيف لو طاح شي من النعمه ولا حاجه ..
وايضا عشان يوصلون له عيالي بسهوله ..ويتعلمون يحافظون عالنعمه ..ويحترمونها ..
اما الي ماعندها ..ارض فاضيه ..او سواق ..
فتجمعها بالفريزر ..وتصرفها بيوم محدد من الاسبوع ..
واما عن النعمه القابله للاستخدام الادمي ..فتحطها بصحن بلاستيك وترسلها لحارس العماره او عامل المحطه ..
اعرف وحده تجمع بقايا الغدا ..وتكلم البقاله ويجون ياخذونه ..والله ان البقاله يخدمونها من عيونهم بعد ..
ومافب احلى من منظر الطيور بالصباح وهي متجمعه عالنعمه الي حطيتها لها بالليل ...
__________________
حسبُنا الله سَيؤتِينا اللهُ مِن فَضلِه اِنا الى الله رَاغِبُون ’
التعديل الأخير تم بواسطة توفي ; 04-06-2012 الساعة 11:23 AM