وين الخناقة دلوني اتفرج

توفي موضوع رووعة زيك
تعلمت اشياء حلوة منك ..

العلب البلاستيكية ام غطاء.. اخليها للبهارات او للثلاجة للكزبرة و غيرها
كمان لحفظ بعض بقايا الاكل .. مثلا التونة اذا انفتحت ..خلاص لازم تشيليها من علبتها المعدن
صحيا المعدن مش كويس عشان جسم الانسان .. الافضل تحطي الباقي بعلبة زجاج
فا اخلي بقايا التونة او الفاصوليا او صلصة الطماطم في علب كاسات الجبن الفارغة

بقية العلب البلاستكية استخدمها للعب عيالي .. زي المركبات و ال puzzel مادري ايش يسموها
المهم بتكون قطع صغيييرة و اذا مالميتها تضيع .. فا العلب البلاستيكية حلت لي مشكلة


بقايا الخبز . فرزيه و استخدميه بدل البقسماط ... \واحيانا اذا في كمية كبيرة
كنت اخذه على بحيرة قريب مني و اعطيه للعصافير بس للاسف نقلنا الان

الثياب القديمة و المناشف طبعا ترجع مماسح للارض
وبعضها يتحول خرق للحلاوة والله ينفعوا ياسلااام

الثياب بشكل عام الي يصغر على اولادي و يكون حلو ومش ملبوس الا مرتين ولا 3
اتبادله مع بنات عمي و بنات خالي .. عادي ماعندنا عقد خاصة اني عايشة بالخارج
فاماحد اصلا شاف الثياب على اولادي
ونفس الشي بالنسبة لثياب السهرات نتبادلها بينا كمان ..

بقايا الاكل ... هنا قااانونيا الزبالة و انتو بكرامة نفصلها
في زبالة خاصة لاعادة التدوير (العلب ..اكياس البلاستيك .. الخ )
زبالة خاصة للورق
زبالة خاصة لبقايا الاكل (بعدين يدوروها و يحولوها لسماد )
زبالة خاصة شهرية للاكترونيات
زبالة لبقية الاشياء (زي الحفايظ و انتو بكرامة )..
فا لازم نتقيد ولا في غرامة .. يفكروا بدالنا

بارض الوطن شفت نسوان عندهم افكار حلوة .. مثلا بقايا الرز يحطوه بكيس نظيف
ويعلقوه عالباب و الي له النصيب يجي ياخذه

وحتى لما يرموا الرز او بقايا الاكل يحطوها بكيس نظيف عشان لو حيوان دور
بالزبالة و انتو بكرامة يلقى شي نظيف

كانو يعملوا من قوارير البيبسي و الفانتا والسفن اب (ابو اللتر و نص ) البلاستيك عرفتيهم
يعملو منهم زينه .. يقصصوهم لشرايح طوليه رفيييعة و بحركات دقيقة
يرجعوها تحفة .. ماشاء الله عليهم ..


المهم بشكل عام احاول ما ارمي الاكل
ازود طبخ يومين و نغرف عالقد و الي يبقى على طول للفريزر و اسخنه ثاني يوم
او حتى بعد فترة يكون مالي نفس للطبخ .. اطلع صينية المسقعة و لا المكرونة بالباشميل
و اسخنها و بالهنا و الشفا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله