نورة الله يسلمك ابشري اجيب لك بس انا الحين ماحصلته لنفسي
بس بروح اجازة السنة الجاية اذا الله وفقنا عندي زواج لإخواني ولعيال اخواني وماراح انساك من المشموم اشتريه واحطه قدامي واشم شمه لي وشمه لك هاذي لي وهاذي لحبيبتي نورة

وبكذا خلاص وصلك المشموم والفل اشتري عقدين والبسها واحد لي وواحد لك والكاذي كذلك اتفقنا

بالنسبة لولدك يالله عاد شدي حيلك انا علمتك بالسر وانتي حطي
من الولد علميه زين نبغاه يصير برفسور العرب
الله يسعده ويبلغك فيه وفي اخته يارب

بالنسبة لولدي اصلا هو يعرف امه كيف ما يمشي شئ عليها بالساهل وقلت له بلا شعرة بلا جدتي انتبه لدروسك ومعدلك لاينزل عن التسعينات والحمدالله ابشرك هو شاطر وناجح وتقديره ممتاز ماشاء الله عليه

اناقلت له ان الذكاء في داخل الراس عند المخيخ في خلف الرأس اذكر زمان كان مدرساتنا فلسطينيات الله يذكرهم بالخير

لو جاء وقت الإختبار وضيعنا المعلومات كان الطالبة ماتحس الا بذاك الطراق من ورى راسها حتى جبهتها تلزق بالطاوله
الضربة اللي ورى تحرك خلايا المخ والضربة اللي من قدام تخلي الطالبة تصحصح سبحان الله ضربهم يصحي الخلايا النائمه اللي في المخ ونتذكر المعلومات بسرعة ونحل الورقة ونسلمها واحنا مبسوطين المدرسة اذا ماضربت الطالبة تشد اذنها حتى تطقطق
ونحل صح بعدها يامحلا طراقاتهم وشدة اذانينا ذاك اليوم
كنت اخاف من المعلمه اكثر من اهلي عندهم حزم وشدة في التعليم لاكن الله يجزاهم خير وربنا يوفقهم ويسعدهم وين ماكانوا يارب

بالنسبة لتأليف الكتاب نفسي أألف كتاب بس اخاف العجايز يطالبوني بتعويض علشان ان القصص معظمها يخصهم وهم اصحابها الحقيقين فلا تخلينا نتورط معاهم على كذا حتى الملكة اليزابيث ومارت غريت بيجون يصفون معاهم يطالبوني
والا انا مادخلني نورة هي المسؤله وهي صاحبة الفكرة فلا توريطنا معاهم هههههههههه.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله