رد : تحيه للأخت jomana على أسلوبها الرائع
اقتباس:
المشاركة الأصلية كتبت بواسطة روح الطير
سيدة الموقف
انا من بعد موت امي، حياتي تغيرت 180 درجة
و انا تغيرت كمان و كل شي تغير ..
عندي كلام كثيييييييير، لكن صابني الصمت من يوم
امي ماتت ..
خاصة بعد ما انصدمت في اقرب الناس لي بموت امي
انكشفت وجوه و طاحت اقنعة بعد موتها ..
رجعوا يلبسوها دحين من جديد، بس بعد اييييه ؟؟؟
بعد ما عرفت حقيقة كل واحد و وحدة ..
.
.
الحسنة الوحيدة بعد وفاة امي، انه زوجي زدت قرب منه
و الحمدلله ..
لكن اصبحت صامتة اغلب الوقت ..
لاني كنت ساذجة في السابق ..
يمكن كنت ساذجة عشان امي كانت تحب سذاجتي و طبيعتي و عفويتي ؟؟؟
كانوا يقولولها ايش معنى ( روح الطير ) تحبيها عن البقية ؟
تقول لهم ( هي غيييير )
و بعد ما ماتت امي ، عرفت ليش كانت تقول عني ( انا غير )
لانه قلوبهم سودا و كانت هي تعرف بالشي هذا
و ظهر كل شي من تاني يوم العزا
سامحيني ..
غميتك معاي
اخبار اولادي ..
دحين كنت بانزل موضوع عن الصعنطوط ، مجنننننني
|
:*
ياااه ياروح كان الله بعونك
أصعب شيء بالحياة أنك في عز أزمتك تنخذل من الناس إلي تغشمت فيهم
الخير وتمنيت منهم العون والسند بعد الله
حبيبتي لاتحبسي نفسك بقوقعة الحزن والصمت والصدمة
أطلعي وتمشي وقوي علاقتك بربي وبزوجك وإلي يجرحك
ويسيء لك قولي:الله يسامحه وأعفي عنه من داخل قلبك
ترى العفوا يخفف الشعور بالوجع
أي نعم راح تحتاجي وقت طويل حتى ترجعي تعاشريهم زي قبل
بس أعفي بداخلك عنهم حتى لو علاقتك فيهم اصبحت رسمية
روح أبغاكِ تكوني قوية ومتفائلة زي ماعرفتك
لاتوقفي حياتك على موقف موجع مريتي فيه
هذا حال الدنيا لازم تتعرضي للأذية والخذلان
عشان تعرفي أنك عزيزة عند ربك لذلك وضعك
في هالإمتحان
:*
اتمنى لكِ الرآحة النفسية والسعادة
والله يهديهم ويعرفوا قدرك
:*