حبيبي لوك جنبي حضنتك وربت على ضهرك
خلني اشرح لك من وجهت نظري
انت تحبها بجنون وخايف تخسرها وتصرفت معها بطريقه انك تحبها وبتضحي عشانها واقنعتها بالامان وانك مهما كان ماراح تتركها
والبنت حاولت تحبك وعطتك فرصتك وراحت وجت معاك مع انها ماكانت تكن لك مشاعر لاكن حاولت انها تحبك انت كنت مندفع وحاولت انك تجبرها على الحب بالغصب وعشان كذا غضبت من جوا وصارت ترفض خروجها معك لان الانسان الزم ماعليه حريته وانت حسستها بانها مجبوره
انتظرت منها حب ماعطتكك لانها بنت وحياويه
بعد ماامنتها رحت وقلبت عليها وجلست تهددها بالفراق ودخلت امك في الموضوع وبكذا هدمت اخر الحيطان
وخالفت كل كلمه وعدتها فيها وشلون تتوقع تحبك ؟؟؟
البنت اهم شي عندها الامان وانت مابقيت لها امان
واللي زاد الامر سوء ان اهلها جالسين يجبرونها عليك
صديقي زوجتك هذي لها شخصيه مستقله وراح تسعدك كثير لو احبتك
صح قلت لك انها فقدت الامان وانها مااحبتك ولاكن اهنيك انها ماكرهتك الا الان والدليل انها مازالت تسايرك ومحتاره باايش راح تسوي
يمكن احنا يامعشر الرجال اذا احترنا مع حواء مانبكي يمكن من وراء الكواليس ولاكن دائم نلجاء للصراخ والهواش وانا اقدر اطلقك وانا مو محتاجك وانت اصلا تعشقها وماتقدر تقكر انها بيوم راح تفارقك
اخي انت على منعطف خطر مريت فيه واخترت اني اكون ذو كرامه والحمدلله على كل حال بس خسرت انسانه كنت احبها والحمدلله هذا ماكتب لي ربي والقادم احلى انشالله😄
اني واي
التزم بكلامك لها وجرب عطها اسبوع اتصل عليها وقولها شوفي انا اليوم عبدك المطيع وش تاامرين عليه ولاتجبرها على شي ولاتدخل احد في الموضوع لااهلها ولا اهلك
بعد اسبوع اجلس معها وخذ معاك الايباد ولا ورقه وقلم اذا انك شخص اولد سكوول واكتب في اعلى الورقه اوامر اميره الزمان ولا اكتب دستور مملكة الحب واجلس معها وقلها انت وش امنياتك في الحياة الزوجيه
ولاتظغط عليها بأي شي انت ظاغط على البنت ويمكن وضعك المادي حلو واهلها شوي اقل ومتمسكين فيك والبنت محتاره بينكم وصدقني مع شخصيه زي هذي ماراح تاخذ شي بالقوه يعني شخصيتها ماتستسلم الا بقناعه جزمه قديمه
وانا جالس اقرى مواضيعك من فتره وحاس بمعاناتك

اصطبر وثم اصطبر وثم اصطبر وكم مره اقولك هالكلام اذا تبي البنت وتحبهااحرق نفسك عشانها وياليت احصل شخصيه مثل شخصة زوجتك هذي اللي اضمنها تربي اولادي وتطلع شخصياتهم قوية ماهي انقياديه
صح بتتعبك اشوي ولاكن صدقني وصلت لوحده بتسنعك 😁