وعليكم السلام ورحمة الله وبركاته..

أختي هل ترانا نلتقي..بقولك نظام أغلب الأسر باالأجازات بالسعوديه كذا ..سهر ليل ونوم نهار ..تنقلب الأيه والعياذ بالله..وأنا ماأقوله مأيده لاوالله مافيه شي يمرض ويعكر المزاج..ويتعب النفسيه مثل السهر..

شوفي حبيبتي بحكم أني متخرجه لي سنتين..تجيني فترات أتبع هذا النظام السهر بالليل والنوم النهار..بس والله ياختك ماأتبعه الا شوفي أعراضه السيئه :
النفس شينه لاصحيت والمزاج متعكر..)استصعب الشغل وأكون متكيسله والله حتى العظام ثقيله والراس صدااااااع..

فأول شي بنصحك فيه حاولي تعدلين نومك تنامين بدري مو عاد بدري بدري دجاجه ههه لا بعد العشاء على حدش وكذا وأصحي بدري..شوفي كيف تكون نفسيتك.. المزاج راااااايق..وعندك وقت تخلصين مسؤلياتك وأشغالك ..وتفضين لنفسك وتاخذين بريك واستجمام..

انا الحمدلله لي فتره متبعه ذا النظام وأحس أني صحيت ياربي لك الحمد ..يصيرلي وقت فيه أخلص أشغالي.. ووقت اقعد مع أهلي.. ووقت أمارس أي شي أحبه اقعد على النت أو ادردش مع صديقاتي..مو قبل استغفر الله حياة الأموات هههههه الله يثبتني بس..

وبخصوص شغل البيت وضغطه ياحبيبتي سوي جدول لشغل ووزعيه بينك وبين خواتك وكل وحده يكون لها (زام) حنا نسميه كذا...يعني يكون لها شغل معين وهي الي تسويه..

شوفي أنا أيام الدراسه والله ضغط بس لاعطلت اختي ياني اكرفها هههههه مو عاد اخلي الشغل كله عليها بس أوزعه بيني وبينها..

وبخصوص أمك.. والله عارفه بقسوة هالشي أمي احيان تلمها وتجيها هالحاله ههههه مايعجبها شي..بس وش نسوي عزيرتي مايضيع عند ربك شي أصبري وأحتسبي....