الله يجزاكم الف خير
اول شيء الحمدلله على كل حال اللهم لك الحمد حتى ترضى ولك الحمد اذا رضيت ولك الحمد بعد الرضى
اجتمعنا بفضل الله وكل واحد قال اللي عنده وكالعاده الحرمه هذي تبلت علي بامور كثيره اخرها انها تقول اني اغازل بنتها الثانيه
وقالت كلام واجد والرجال الموجودين حاولوا يهدون الامور ويصغرون من حجم المشكله
وانا رديت عليها بكلام استفزازي خلها تعصب
المهم قالت الام حنا خلاص ما نبغاه
قال جدي اذا ما تبغوه اعطوه حقه
المهم طلعنا من عند الحريم ورحنا جالسنا في المجلس حنا الرجال بس ( جدي - خال البنت - عمها)
قال لي خال البنت للي هو اخوها يا فايز لا تسمع لكلامها تراها تعبانه وحنا ما ناخذ بكلامها
قلت له بس انت ترضى الكلام اللي قالته عني
قال عشاني ومدري ايش
المهم الا وهي طابه علينا في المجلس (ام البنت)
قالت يا فايز قوم اطلع برا اطلع برااااااااااااااااا حسيت اني بفيلم مصري
قام اخوها يقلها استحي يا حرمه وروحي داخل قالت مافي والله يطلع
وكانوا مسوين عشا عشان الصلح قلك
قلت لهم يا جماعه انا بامشي وكنت اظن ان اللي ضيفوني رجال
قال جدي اجلس يا فايز قلت والله ما اجلس بعد الكلام هذا وكل شيء انتهى
هذا ما حصل الليله
وان شاء الله يوم السبت بروح المحكمه
والله يكتب اللي فيه الخير
اعذروني يمكن الكلام مو مرتب من القهر اللي بقلبي والحمدلله على كل حال