أهلين حبيبتي روح
ما أدري يمكن من كثرة التفكير في أللي صار أمس و ما كان عندي أحد أفضفض له غيركم حسيت بغضب شديد لأول مره أحس فيه

صراحه مصدومه من ردت فعله أمس، أول مره بحياتي اشوفه يستخدم كلمة عقاب
الكلمه إللي قالها لسه أسمع صداها في مخي (مافي طلعه اليوم كعقاب على إلي سويته، و بنشوف كلمة مين اللي تمشي في البيت هذا)
والله ضليت ساكته دقيقه كامله و أناظره كأني أول مره اشوفه بحياتي، و هو قام و طلع، و الحمدلله إنه طلع و إلا والله ما أدري بإيش رديت عليه
دخلت الحمام أبكي و اغسل وجهي عشان العيال ما يشوفوني كدا و الشيطان يوسوسلي و أفكار تودي و تجيب
يا بنت روحي اطلعي و مين هو عشان يكلمك بالطريقه هذه، مو كافي كل إلي تنازلت عنه عشانه ولا هو مقدر.
تعوذت من الشيطان و صليت ركعتين و دعيت الله ينور قلبي

ما أدري متى رجع أمس الليل، كنت في نوم عميق، و في الصباح قمنا و هو نايم
العيال في الحضانه و أنا في المكتبه أحضر للإختبار النهائي، الأسبوع هذا هو آخر إسبوع في الجامعه و بعدين اجازه

__________________

الامومة هي ان تضحي بكل شيئ جميل ليكون في اطفالك الاجمل