..

نورا حبيبتي الله يجزاك كل خير على كل كلمه كتبتيها و يجعلها في ميزان حسناتك
بلعكس أنا اللي إعذريني أخذت من وقتك الغالي

تسلمي لي حبيبتي عالدعوات الحلوة و لك مثلها ياارب

عادي مابينا احنا خوات .. خذي وقتي كله

بس حني على ابو الشباب والله كاسر خاطري

الله يحميكم لبعض

فعلاً وصفتي حياتي قبل و بعد الزواج و كأنك عايشه معاي بنفسك

قلت لك عشت زي حيااااتك بالملي سبحان الله كيف حياتنا تتشابه قبل و بعد الزواج

ووالله كنت مثلك .. ما اتصل على امي عشان ما ابكي و انا اسمع صوتها لاني متعلقة فيها و باخواتي موووووت

ولما اروح لهم انقلب وحدة ثانية حتى زوجي يستغرب عليا

سهر للفجر.. مضرابة مع اخواتي فديتهم و لعب بلايستاشن ووي وسوالف وضحك

ماحتاج حتى اشوف صديقاتي يكفي انا وخواتي و امي نخلي البيت حيييييي

وسبحان الله تلاقي حتى الجيران وصحباتي و وصحبات خواتي يحبو يجو عندنا

.

بس أنا هذه هي شخصيتي الحقيقيه، هذه هي الشخصيه اللي عجبته أول ما تعرفنا، دائماً كان يقول أحب فيك قوة شخصيتك و روحك النشيطه

ماختلفنا يحبها .بس يحبها باعتدال

وهو شافك من النقيض للنقيض اعتقد والله اعلم

كنت في صراع داخلي سابقاً لما كنت فقط زوجه و أم و ربة منزل، كنت أحس إنه هذه مو أنا، عشت إكتئاب فظيع و كانت أولى مواضيعي في المنتدى اني اشتكي من الوحده و الغربه و الأمومه
عشت شهور صعبه لدرجة اني ما كنت اتصل بأهلي، لأنه كل ما أكلمهم كل ما اشتاق لهم أكثر و كل ما اشتاق لنمط الحياة اللي يعيشوها
و للأمانه زوجي كان مقدر موقفي و دائماً دائماً يحتويني و يطبطب علي، ليالي كثيره بقيت في حضنه و كان يحس بالذنب
و كان أول ما تيجي إجازته يسفرنا نروح عند أهلي و نقضي كم إسبوع هناك

الله يخليه لك شفتي .. هذه من ايجابياته

لو حد ثاني كان بيقول لك اكبري انضجي خلاص اتزوجتي ..

لكنه راعى مشاعرك احسن مراعاة

فعلاً في تراكمات سابقه و هي منعه لي لأشياء كان هو يسمحلي فيها سابقاً
مثلاً زمان كنت أروح الجيم بس لما نقلنا هنا قال لا ما عجبه الجيم هذا ولا ذاك ولا ذاك لأنه كله فيه بنات أخلاقهم زفته
أنا ايش دخلني في البنات ولا في أخلاقهم؟ رايحه أصاحبهم ولا رايحه اتمرن؟ قبلت بشرط إنه يجيب لي جهاز ولا إثنين في البيت بدل الجيم و وافق

زي ماقلت لك ياعسل وجهة نظرهم غير عننا ..

جيم فيه بنات سمعتهم مش كويسه.. احتمال سمع

كلام عن الجيم نفسه .. يعني لما يكون المكان

الي فيه مش كويس اكيد بياخذ سمعه منهم ..

هو يخالط مجتمع الرجال و يسمع اي يقولوا

او ممكن خاف انه من كثر ماتشوفيهم على طول يصير

بينكم نوع من الالفة .. وبامانة يالوفي

الي زينا نستحي نرفض نسلم على حد

يعني يوم سلام

بعد فترة كلمتين خفاف

بعدها وحدة وحدة بدون ماتحسي بتكلميها عادي

ماقول بتصاحبيها والعياذ بالله

بس باتستسهلي الكلام معاها بالجيم

طالما انها بوجهك يوميا

واذا لاقيتيها برا و كلمتك بترجعي تردي عليها و هكذا

اذن من البداية يوقف الموضوع افضل من وجع الراس بعدين

اعتقد هذه وجهة نظره ..

بس على ااقل عوضك و جاب لك اجهزة عالبيت

زوجي مو راضي بحجة الجيران ينزعجو

و مثلاً كمان سالفة الفيسبوك، كان عادي عنده في البدايه و كان عارف إنه نقطة تواصل بيني و بين اخواني من صور و سفر و إلخ
الحين مو عاجبه لأنه شاف إنه صداقاتي كثرو في الفيسبوك مع إنه كلهم والله بنات، و هو عنده كلمة السر و يقدر يدخل يشيك بأي وقت
لسه ما منعني تماماً ولكن يتأفف لما أدخله و يرمي تعليقات سيئه عنه، هو ما عنده فيس ولا حابب يفتح مع إن كل كل كل اخوانه و اخواته عندهم
ما استبعد لو طلع قريباً قرار رسمي بالمنع، تعودنا

اقولك ليش بتحليلاتي الخوزعبلية

من الاساس كان عشان اخوانك و صاحباتك المقربات

وهذا عادي و كان موافق .. وانتي ماشاءالله ماقصرتي

واضفتي

حتى لو بنات .. بس برضو في بنات مش محترمات

او زي مانتي عارفة ناس بتضيف ناس ماتعرفها كدا

والله العالم هذولا البنات كيفهم

ومجرد وجود اسمك بلسته الصداقة معاهم مش كويس

فا ذا حابة قرار المنع مايصدر.

احذفي كل الي عندك ومافي معرفة قوية بينكم

وخليه بس اهلك القريبين و صديقاتك القراب جدا

وخلصنا ..

أنا ما كنت اطلب أطلع بس هو كان يطلع كثير و أبداً بحياتي ما منعته بالعكس كنت اساعده بلبسه
يروح اجتماعات، محاضرات، زواج أصحابه، يلعب كوره، جيم، إلخ إلخ إلخ و أنا أقعد في البيت بحكم اني ما راح أفهم لغة المحاضره ولا أعرف زوجات أصحابه و كمان مين راح يمسك العيال؟
و هو كان عاجبه الوضع، يروح و يرجع و مستمتع بحياته و أنا في البيت و العيال و بس

قلت لك يكون مطمن انكم بامات بالبيت . واعتقد كمان انه كان يوازن

بينكم و بين حياته الاجتماعية .. ماكان من النوع الي يسهر للفجر ولالا ؟؟..

وانتي اصلا كنتي بمرحلة لسه الاولاد محتاجينك اكثر

والطلعة معاهم لمطع او كافيه تفقع المرارة من شقاوتهم الله يحميهم صح ولا هذه حالة عندي فقط


نفس زوجي
ما يمانع أطلع مع اخواني و صحباتي لما أرجع عند أهلي
ما يمانع أروح مطاعم و مقاهي و حفلات و حتى سينما
بس هنا لا ليش لا يقول إنه البنات هنا سيئات
أقوله يا حبيبي أنا عشت في الغربه و قدرت أكون صداقات مع بنات جداً محترمات ولا زلنا متواصلات إلى يومنا هذا و أنا انسانه عاقله و أعرف أفرق بين السيئه و الجيده
خليني أحكم على البنت بنفسي أنت لا تتدخل في أمور البنات
يوافق مده ويرجع لنفس الموضوع و يقول إنتي مره طيبه و ما تفهمي على الناس

لانه ببلدك انتي عشتي سنيييييييين و عارفاها شارع شارع زنقة زنقة

عارفة البنات السئات و تسمعي عن العوائل الي مش كويس

واصلا امك و اخوانك موجودين ولحالهم مابيسمحو

لكن ببلد زوجك مهما كان انتي لساتك غريبة.. وماتعرفي ماضي الناس مثلا

لاتقولي لي ماضي و انتهي .. مجتمعنا مايعرف ماضي وانتهي

يقعد يحكم على البنت السيءة حتى بعد توبتها و يحكم على كل من يصاحبها

شئنا ام ابينا ..

وبالنهاية انتي مسؤلة منهم و اي غلطة راح ترجع على راسه هو

ويقولو اصلا زوجها ماسوى و ماعمل

لا يا نورا هذا ما اعتبره خوف علينا أو حب، يعني هما يخافوا علينا أكثر من اهلنا؟ اهلنا ليش كانوا معطينا كامل الحريه؟

فرق بين اهالينا و ازواجنا

بيبت اهلك انتي بنتهم .. اذا حصل لك شي لاقدر الله

خلاص مسؤليتهم .. ماحد بيلومهم ولا حد يحق لهم يلومهم

صح ولا لا ؟؟

لكن عند زوجك انتي امااانة من اهلك له

اذا حصل شي او مشكلة كبيرة

بيلوموه هو . احنا امناك على بنتنا و انت ماصنت الامانة

ماحميتها

وهو من حبه واحترامه لاهلك . مايقدر يتحمل منهم

اي لوم او عتاب او او

فالازم يحافظ عليك ..

ممكن تشوفيها انتي تضييق في بعض الاحيان

بس قارنيه بنفسك لما تمنعي ابنك من شي

لانك تخافي عليه وهو يشوفها تقييد لحريته

بس لما يكبر بيفهم و يعذر

واعتقد نفس الشي معاك .

صدقيني كل ما بتمر سنة بتفهميه اكثر

أنا اشوفه إنه حب تملك و فرض شخصية الرجل القوام و دكتاتوريه، أنا قلت لا يعني لا و خلاص

بشخصية زوجك . ابدا ماهو فرض قوامة

زوجك من النوع الي عنده نقص ويحاول يفرض شخصيته عليك

الدليل انه يطبخ لك ومايشوف فيها انتقاص لرجولته زي كثير من الرجال المعقدين

صح ..لو كان ديكتاتوري ماكان دخل المطبخ ولا فكر فيه

لانه بيعتبر هذا الشي انقاص من قوة شخصيته قدامك

ولا هو حب تملك و الدليل سماحة لك باكمال دراستك

واعتقد لو حابة تشتغلي بيسمح لك

ماهو متملكك و يقول لك لا تكلمي اهلك كثير او مانعك منهم

ومقنن عليك الاتصال.ز بالعكس زي ماقلتي

يحبهم و يعزهم و يساعدك على التواصل معاهم و هذا النوع

مايعرف التملك

وعند اهلك يسمح لك تروحي و تجي على راحتك

لو حب تملك ماكان خلاك تطلعي لاهنا و لا هناك

..

هذه المشكله ليش ما يوضحوا؟ ليش ما يشرحوا واجهت نظرهم بدون تعصب و إصرار

تعرفي من امس وانا افكر بسوالك و اعتقد عرفت الحل لما تذكرت بعض المواقف الي مرت معي

ومن كلامك كمان

شوفي هم ابتدوا معنا صح و يعطونا الاسباب . لكن احنا مانقتنع

يعني

اضرب لك مثال بحالتك
بموضوع الجيم

منعك من روحته .. واعطاك السبب و شرح لك انه بسبب البنات سيئات السمعة

لكن احنا مانقتنع

انتي شايفاه سبب مش كفايه و هو شايف انه سبب كافي

ولحد الان انتي مو مقتنعه فيه

اذن مرة ثانية بيمنعك من شي وماراح يقولك السبب

لانه قالك و لا ماقالك ماتفرق

بالحالتين احنا مانقتنع و نقعد ننبش و ننبش ونحاور

ونطفشهم باليش .. طيب ليش .. وكيف و ايش معنى

وهم عندهم خلاص الموضوع عملي ..

سبب المنع كدا .. انا شايفه سبب قوي و كفاية انتهينا ..

نفس الشي بموضوع البنت اياها قالك لا تكلميها و اعطاك السبب

وهو ماضيها .. بس برضو ماقتنعتي ..

ايش عاد بيسوي يعني ؟

مش بس انتي حتى انا نفس الشي

من فترة حبيت اسافر لاهي وانا لسه سافرت لهم قبل شهرين

قال لا . ليش لا

قال لانه لسه سافرنا من شهرين

ومصاريف و الان جايين على نقل لازم تكوني هنا في حال لقيت بيت

عشان تشوفيه و تقولي رايك

وانا و لا كاني سمعت

رجعت بعد يومين اقوله اسافر؟؟؟

قالي لا

بعد اسبوع اسافر

قالي لا

ومعاد اعطاني اسباب

وتعالي شوفي كانت ايام ماقبل الدورة

سويت مناحة وليش يمنعني من اهلي و من هو

بتصل اكلم ابي

و بسوي و بفعل

بعد ما هديت و رجعت كلامه شفت انه معاه حق

وانا عملت من الحبة قبة عالفااااااضي ..و انه اعطاني السبب

بس انا تنحت و متمسكة برايي

؟

في هذه معك حق سمعتها كانت جداً سيئه بس الحمدلله الله هداها و تابت
و المشكله إني ما أقدر أقطع علاقتي بها كدا تماماً، عياله يروحون نفس حضانة عيالي، تروح على نفس حلقة التحفيظ إللي أنا أروحلها، و فوق هذا جارتي
يعني لو ما رديت على تلفونها يومين تجي البيت تزورني تطمن، يعني لصقه وين ما رحت
و البنت للأمانه ما لاحظت عليها أي شيء سيء ابداً، بس طبعاً لسه مالي معها معرفه طويله يدوب كم شهر بس

شفتي هذا يرجعنا للي قلت لك عليه فوق

لما قلتي انه يتحكم بمن تصاحبي

لانه ماعشتي هنا من طفولتك فماتعرفي مين كويسة و مين مش كوبسة

ماتعرفي ماضي العايلات و لا صفاتهم

مش من ناحية السمعة السيئة بس .. في عوائل معروفين بحبهم

لنقل الكلام و القيل و القال و المشاكل

او السنتهم طويلة .. يكونو معاك عسل بس لو شوي حصل خللاف

ينقلبو اعوذ بالله ..

ماتعرفي هذا كله بالتالي هو يشوف انه من الافضل تخبريه عن الي تصادقيهم

قبل ما تتعمقي بالعلاقات .. لو عرف عنهم معلومة مش كويسة يخبرك و تنتبهم

بدال ماتدخلي معاهم و تعرفي طابيعهم بعد ماتصير مشاكل ووجع راس ..

الله يخليه لكم و يديم المحبه بينكم إن شاء الله

تسلمي ياعمري و يخليك لزوجك و يحميكم من كل شر

و هذه هي الموازنه الصعبه، ما أدري كيف أوازن بين رغباتي الشخصيه و بين رغباته
ليش أنا اللي مفروض أتنازل و اصبر و استحمل و هو كل أوامره و طلباته مجابه

لانه هو صوت العقل ...وانتي مهما كنتي واثقة بعقلك وووعيك

تظل عاطفتك اقوى .. وقد تحكمي فيها على اشياء كثيرة تتبين في النهاية انها غلط

والله يا نورا مافي إلا صديقتين احتك بهم أكثر شي، يزوروني و أزورهم و نطلع بع بعض للسوق
أما البقيه بنات معرفتنا جداً سطحيه سلام و بس في المسجد أي الجامعه

الحمدلله الي سخر لك بنات طيبة ..

حلو ..

زي ماقلت لك اهم شي الموزانة ..

حسسيه انه لو الاولوية ... زني على الطلوع معاه

لمقهى و لا لسوق ولا لسينما و اطرحي اولادك عند صاحبتك (عشان يعرف انه لهم فوايد كمان .. لا تحسسيه انك استغنيتي عنه

وانك تفضلي الطلعة مع صديقاتك

فضفضي له .. حتى لو مافي شي اختلقي لك اي موضوع

من وقت للثاني سوي نفسك زعلانة انه ماعاد يهتم فيك

وانكم معاد تطلعو زي زمان . عشان يحس انك لسه تستمتعي بالطلعة معاه

يوم اجازته بعد مايرجع اطفالك من الحضانة و انتي تكوني مأجزة من الجامعة

سوي ساندويتشات و روحو بكنك لاي حديقة الجو صاير رووعة

استغلي يوم اجازته و اطفال مش موجودين وسوي شي جديد

اطلعوا افطروا برا

او سوي له فطور لغرفة النوم مع وردة

اكتبي له شي حلو على المرايا و انتي طالعة

العبو سوا لعبة والعيال مش موجودين

زوجك رومانسي و قد يكون مفتقد هذه الاشياء منك

في ظل انشغالك الان مع العيال و الجامعة

يمكن يشوف انه ماعاد له هذاك المكان الكبير عندك ..

ماراح معاك .. عادي صاحبتك موجودة

ما استمع لك .. عادي فلانة بتسمع لك

مانتي فاضية تحطي ساعة من وقتك عشان تجهزي له

ليلة رومانسية او حركة حلوة ..

هذه الاشياء فعلا ممكن الواحد بتحسس منها

هذه هي الموازنة الي قلت لك عليه

استمري عليها شهر و لا شهرين

وصديقني بعد ماتشبعي هذا الجانب

بتحصليه خف قليل ..

لانه بيتاكد بالافعال انك مهما كثرت علاقاتك

له الاولوية وماتغير عليه شي من ناحية العاطفة

والبيت و العيال و الرومانسية

ما أقدر يا نورا في الوضع هذا ما أقدر
لسه مكسور خاطري منه و مصدومه فيه صعب يطلع مني كلام حلو
أكيد بتكون الرساله كلها لوم و عتاب و حزن و زعل و مراح نستفيد شي
ممكن لو هديت بعد كم من يوم اكتب له

حلاص بعد ماتهدي باذن الله

والله يا نورا ما تدري قد ايش ريحني كلامك الله يريحك دنيا و آخره قولي آمين

امين يارب والله فرحتيني بدعواتك الحلوة.. ربي يطمن بالك و يبعد عنك المشاكل و الهموم

و الدوره متأخره صارلها كم يوم ما أتذكر،، الله يستر إن شاء الله

الله يستر .. اذا عرف السبب ... هذا الي مشعلل المشكلة براسك.. اساليييني
الوحدة تكون واقفة على شعرة مو مصدقة امتى تلاقى مشكلة وتعجن فيها

قريت كلامك أكثر من 5 مرات و مره أبكي و مره أضحك كل مره شكل احساسي مخبط تماماً

كله من الدورة تعمل الهوايل . يارب على طول الضحكة ماتفارقك حبيبتي

بس بجد بجد الله يجزيكي خير ما أدري كيف أشكرك يا نورا


العفو ياعسل و مستنية منك رد تقولي خلاص طردت ابليس و اتصالحت
مع ابوالشباب و اتغديتو بره
ربي يسعدكم حبيبتي

وهونيها ياقمر .. صغيري مشاكلك تصغير . كبيرها تكبر
والحياة ماهي دايمة ماحد يدري متى بنسيبها
فاليش نقضيها زعل و نكد

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله