اقتباس:
المشاركة الأصلية كتبت بواسطة أبو خليفه....
فلسفه زايده
أقولك يوم شافتني متمدد على سرير ومسوي من بينا سور برلين ,, عطتني نظره أعوذ بالله ,, ويلست تقول قوم من فوق سرير ,, وأنا واثق مسوي نفسي مب سامع ,, ما أحصل وحده غير رفعت سماعة تليفون وطالبه من البشكاره تطلع دوشق من سرر ضيوف ,, سالتها ليش ,, قالت عشانك تنام عليه بس تحت ,, قلت والله انا مب نازل وبرقد على سرير ,, وانتي ارقدي على دوشق ,, قالت لا أنا ما أرقد على الارض ,, حزتها استفزتني ,, وأخذت لحاف وتلحفت وقلت تصبحين على خير ,, فجاه اسمع صوتها تصيح وتصارخ وتقول قوم من فوق سرير وأنا مطنش ,, فجاه بدا يزيد صياحها ,, ما قدرت أتحمل أخذت المخدات وحذفتهم على الارض وطلعت من الحجره ,, ساعات أحسها تخوفني بصياحها
|
مو ساعات .. إلا دوم ... ارجع لردودك ولاحظ كيف انه أي موقف ينتهي لما تبدأ تصيح . ليه تخاف من صياحها ؟؟ تحسها فعلا مخنوقة وللا الصوت عالي وللا شنو ؟؟؟
بعدين أخي أتوقع بأنك انتهيت من قراءة موضوع اخونا نايف ..
حطلي هنا النقاط اللي استفدتها وناوي تمشي عليها خطوة خطوة وأعطيني المدة اللي بتستمر فيها بكل خطوة .
أتذكر كان ماشي بعدة أمور مع بعض .. ما وقف الرسائل مثلا لما بدأ بالتمشية .. وكان منتبه وملاحظ ردات فعلها ويتقدم بالخطوات بحسب ردود فعلها ..
بدون منهجية وجدية بالموضوع صعب تستفيد
أعتذر إذا خربطت لك مزاجك بس بودي توصل لنتيجة قبل ما تبدأ تمل من محاولاتك معها