رد : رجل الرجال
الله يجزاك خير ...
أولاً . موضوع العمره إن شاء الله ناوي الاسبوع الياي وأحسه لازم بعد ,, ولكن قلت خليه الاسبوع الياي لين ما تاكد وجيب شيخ ياكدلي أنه مافيها شيء ( شككوني الاعضاء أنه ممكن يكون فيها عين ولا حسد ).
ثانياً. قراري اتخذته من قبل أنا أحبها وقلت قبل هالمره حتى يوم أصلي صلاة الاستخاره بموضوع طلاق ما أرتاح ,, ويمكن أكثر شيء مخليني أتحملها وأقول بعطيها فرصه قلت يمكن لاني أنا بعد غلط بحقها ,, موضوع أمها اللي هي مب راضيه تتجاوزه ,, فعلا خايف أني أفقدها واللي كاسرني بعد رفض عمي مبدا زواج من ثانيه وأنه لجين تم وياي ,,
لكن أنت تقول أنها تحتاج لهزه عنيفه ,, هل تقصد بذلك مثلاً أطلقها طلقه أولى مافي غير هذا الحل جدامي اللي أتوقع أنه يهزها .
لجين هذا الاسبوع اعتبرها متغيره شوي من ناحية انها بدات تسولف ,, وصرنا نطلع ويا بعض ,, الاكل ويا بعض وصار يمر بهدؤ ,, لكن أكبر مشكله تواجهني وياها لحين نفورها من حجرة نوم وتستوي وحده ثانيه ...
الاخ بليغ الله يجزاه خير طلب مني بعض الاشياء ولكن طلب مني أصبر عليها 3 شهور ,, أنا بنظرتي أنها وايد طويله ,, أو أمشيء على كلامك وطلقها طلقه اولى وأشوف ردة فعلها
__________________
الحمد لله على كل حال